سیکورٹی فورس آتا بلوچستان اٹی کارروائی، بھارتی پراکسی فتنۃ الہندوستان آن تعلق تخوک آ 7 دہشت گرد آتے جہنمی کرے، آئی ایس پی آر

راولپنڈی۔ 03جون (اے پی پی) سیکورٹی فورس آک بلوچستان اٹی اِرا جتا جتا کارروائی تیٹی بھارتی پراکسی فتنۃ الہندوستان آن تعلق تخوک آ 7 دہشت گرد آتے خلکر۔ سے شنبے نادے آ پاک فوج انا شعبہ تعلقات عامہ غان جاری بیان نا رداٹ بلوچستان اٹی ضلع کچھی نا علاقہ مچھ اٹی فتنۃ الہندوستان نا دہشت گرد آتا ساڑی گری نا حوال آ کارروائی کننگا۔ آپریشن اٹی سیکورٹی فورس آک فتنۃ الہندوستان نا دہشت گرد آتا ٹھکانہ غاتے گچین وڑاٹ گھیڑ کرےو اسہ ایلو آ ترند سم کاری آن پد 5 ہندوستانی مخ تفوک دہشت گرد آتے جہنمی کننگا۔ ضلع قلات نا علاقہ مارگنڈ اٹی کروک آ اسہ پین انٹیلی جنس آ تالان کارروائی ٹی فتنۃ الہندوستان دہشت گرد آتا ٹھکانہ غاتا ڈس و نشان ءِ خلسا 2 دہشت گرد آتے سرسہبی اٹ خلنگا۔ خلنگوک آ فتنۃ الہندوستان نا دہشت گرد آتیان سلہہ، گولہ بارود و دھماکہ خیزمواد ہم دوئی مس، ہرا چندی دہشت گردانہ سرجزآتیٹی اوار ئسر۔ پاکستان نا سیکورٹی فورس آک ملک آن بھارتی حمایت یافتہ دہشت گردی نا ناسور ءِ چٹفنگ کن سنبرینگوک ءُ و بھارتی حمایت یافتہ دہشت گردی نا مرتکب بندغ و اوفتا کمکار آتے کانود نا مون آاتنگ کن قوم انا بدل مفروک عزم انا درشانی ءِ کیک۔