صدر مملکت نا بلوچستان اٹی فتنۃ الہندوستان نا 7 دہشت گرد آتے جہنمی کننگ آ سیکورٹی فورس آتے خراج تحسین

اسلام آباد۔ 03جون (اے پی پی) صدر مملکت آصف علی زرداری بلوچستان اٹی 2 جتا کارروائی تیٹی فتنۃ الہندوستان نا 7 دہشت گرد آتے جہنمی کننگ آ سیکورٹی فورس آتے خراج تحسین پیش کرسا پارینے کہ دہشت گرد آتا پورو چٹفنگ اسکان سیکورٹی فورس آتا کارروائی برجاسلک۔ سے شنبے نادے آ ایوان صدر نا پریس ونگ انا رداٹ صدر مملکت انٹیلی جنس آ تالان کارروائی تیٹی بھارتی پراکسی نا 9 دہشت گرد آتا قلع قمع کننگ آ سیکورٹی فورس آتا بہادری نا ستاءِ کرے۔ اوپارے کہ بھارت تینا پراکسی نا کمک اٹ پاکستان اٹی دہشت گردی  تالان کننگ ءِ۔ دہشت گرد آتا پورو چٹفنگ اسکان سیکورٹی فورس آتا کارروائی برجاسلک۔ صدر مملکت پارے کہ پاکستان نا سیکورٹی فورس آک فتنۃ الہندوستان نا چٹفنگ کن کارروائی کننگ ءُ، دہشت گرد زموار آتا چٹفنگ و ملکی دفاع کن ننا عزم بدل مفروک سلک۔ اودہشت گردی نا پورو چٹفنگ نا قومی عزم انا ہم درشانی ءِ کرے۔