بنجائی وزیر داخلہ نا بنوں ٹی خوارجی دہشت گرد آتا جلہو ءِ پسپا کننگ آ خیبرپختونخوا پولیس ءِ خراج تحسین

اسلام آباد۔ 03جون (اے پی پی) بنجائی وزیر داخلہ محسن نقوی بنوں نا تھانہ میریان آ خوارجی دہشت گرد آتا جلہو ءِ پسپاکننگ آ خیبرپختونخواپولیس نا ستاءِ کرسا پارینے کہ خیبرپختونخوا پولیس جوانمردی اٹ خوارجی دہشت گرد آتا مقابلہ ءِ کرسا جلہو ءِ بے سہب کرے۔ سے شنبے نادے آ تینا بیان اٹی بنجائی وزیر پارے کہ جلہو ءِ بے سہب کننگ آ پولیس ٹیم ءِ خراج تحسین پیش کیوہ۔ اوپارے کہ خیبرپختونخوا پولیس نا بہادر گلزادہ غاک مہالو ہم دلیری اٹ خوارجی دہشت گرد آتا جلہو آتے پسپا کرینو، خیبرپختونخوا پولیس بے کچ پروفیشنل وڑاٹ خوارجی دہشت گرد آتا جلہو نا پبی ورندی ءِ تس و ناپاک عزم ءِ بے سہب کرے۔ محسن نقوی پارے کہ فتنۃ الخوارج نا دہشت گرد آتا ناپاک عزم ءِ مش تا کننگ آ پولیس نا مچ آ ٹیم ءِ مبارکبادی ایتیوہ، خیبرپختونخوا پولیس نا بہادر و پروفیشنل گلزادہ غاتیا گمرکینہ۔