اسلام آباد – 2جون (اے پی پی): مزن وزیر ءِ ھاسیں کمکار ڈیجیٹل میڈیا ءُ وزیر مملکت فہد ہارون ءَ اطالوی جمہوریہ ءِ راجی روچ ءِ مراگش ءَ بہر زرتگ۔ اے مراگش ءَ پاکستان ءَ اٹلی ءِ سفیر ماریلینا آرملین ءِ سرپرستی ءَ برجم دارگ بوت ایشی ءِ تہ ءَ سرکاری مزنیں کارندہ، درملک ءِ سفارتکار، صنعت کار ءُ دود ءُ ربیدگ ءِ مردم ءُ رسانکدر ءِ نمائندہ آں بھر زوری کت۔ فہد ہارون ءَ اطالوی راج ءُ حکومت ءَ را ”فیسٹا ڈیلا ریپبلیکا“ (اطالوی جمہوریہ ءِ راجی روچ) ءِ موہ ءَ مبارکی دات کہ ہر سال 2 جون ءَ اطالوی جمہوریہ ءِ بانی ءِ یات ءَ برجم دارگ بیت۔ فہد ہارون ءَ گوشت کہ اے مراگش ءَ بہر زورگ منی واستہ مزنیں وشی یے۔ پاکستان ءُ اٹلی ءِ نیام ءَ یک دیریں دوستی یے است انت، ایشی ءِ بنیات یکے دومی ءِ شرپ، یکجائی قدر ءُ کمک ءِ سرا انت۔ اے مراگش مارا اے دیمروئی کنوکیں شریکداری ءُ آیوکیں وھد ءِ امکانات ءِ یات ءَ دئینت۔ پاکستان ءُ اٹلی ءِ نیام ءَ ہفت دہائی ءَ چہ گیش سفارتی سیادی جوڑ بوتگ انت وھدیکہ دوئیں ملک آنی نیام ءَ تجارت، وانگ ءُ زانگ، موسمیاتی کارروائی، نوآبادیاتی ءُ دود ءُ ربیدگ ءِ تبادلہ ءِ پڑ ءَ کمک گیش بوھگ ءَ انت۔ فہاد ہارون ءَ سفیر مارلینا آرملین ءِ مہمانداری ءِ سرا منت گپت ءُ اٹلی ءِ گوما دو نیمگی سیادی ءَ را گیش گہتر کنگ ءِ واستہ پاکستان ءِ جزم ءِ پدا زور پر دات۔
