اسلام آباد۔2جون (اے پی پی): درئی کارانی کارگس ءِ جارکش ءَ گوشت کہ مزن وزیر محمد شہباز شریف ءِ پنت ءُشون ءِ رد ءَ مزن وزیر ءِ ھاسیں کمکار سید طارق فاطمی ءِ سروکی ءَ پاکستانی ڈل 2 جون ءَ چہ چار ءَ ماسکو ءِ تر ءُ تاب ءَ کنت۔ دو شمبے ءِ روچ ءَ وتی بیان ءَ گوشت کہ مزن وزیر محمد شہباز شریف ءِ پنت ءُشون ءِ رد ءَ پاکستانی مزنیں تک ءِ ڈل جون ءَ ماسکو ءَ ھوار ھاسیں دارالحکومت آنی تہ ءَ کارندہ آناں گوں گند ءُ نند کن اَنت ءُ انوگیں بھارتی زوراکی ءُ پاکستان ءِ ذمہ واریں رویہ ءِ سر ءَ پاکستان ءِ ھیال ءُ لیکہ پیش کن اَنت۔ آئی ءَ گوشت کہ مزن وزیر ءِ ھاسیں کمکار سید طارق فاطمی 2 جون ءَ بگر داں 4 جون ءَ ماسکو ءَ ڈل ءِ سروکی ءَ کنت، تر ءُ تاب ءِ ساھت ءَ آ روس ءِ مزنیں کارندہ آں گوں گند ءُ نند کنت ءُ میڈیا ءُ تھنک ٹینک آنی گوما ھم گپ ءُ تران کنت۔
