اسلام آباد۔2جون (اے پی پی): نائب مزن وزیر ءُ دری کارانی وزیر واجہ محمد اسحاق ڈار ءَ مھکمیں دیمروئی ءِ مول ءُ مراد ءِ سرجمی ءِ پروگرام ءِ 46می سٹیئرنگ کمیٹی ءِ دیوان ءِ سروکی کت۔ نائب مزن وزیر کارگس ءِ نیمگ ءَ چہ جاڑی بوتگیں پریس ریلیز ءِ رد ءَ دیوان ءَ صوبہ آنی نیام ءَ ھمگرنچی، منصوبگ بندی ءُ دیمروئی، بجلی ءُ پارلیمانی کار آنی وفاقی وزیر، مزن وزیر ءِ ھاسیں کمکار ایم طارق باجوہ، وفاقی سیکرٹری، صوبائی حکومت آنی باسک ءُ راجی اسمبلی آنی باسک آنی بھر زوری بوتگ۔ دیوان ءَ بجٹ ءِ سر ءَ عملدرآمد ءِ گوما بچت ءُ جم بوتگیں فنڈز ءِ کارمردی ءِ سر ءَ چار ءُ تپاسی ءُ جاری منصوبگ آناں وھد ءِ سر ءَ سرجمی ءَ را دل یکیمی کنگ ءِ واستہ عمل درآمد ءَ را ہموار کنگ ءِ سر ءَ دلگوشی دیگ بوتگ۔ نائب مزن وزیر ءَ ایر کتگیں وھد ءِ تہ ءَ آسر پجاری ءِ ضلورت ءِ سر ءَ زور پر دات ءُ رواں مالی سال ءِ گڈ ءَ چہ پیسر ایر کتگیں وسیلگ آناں سرجمی ءَ کارمرد کنگ ءِ ارزشت ءِ سر ءَ زور پر دات۔ آئی ءَ توامیں سٹیک ہولڈر آناں پنت ءُشون کت کہ آ دیمروئی مکسد آناں وھد ءِ سر ءَ سرجمی ءِ واستہ وتی کوشستاں ترند بہ کن اَنت۔ نائب مزن وزیر ءَ حکومت ءِ دیمروئی ءِ کوشست آناں مھکمیں دیمروئی ءِ مول ءُ مراد آنی گوما یکجا کنگ ءِ عزم ءِ سر ءَ یک رندے پدا گوشت تانکہ جامع ءُ بامردیں پیشرفت بہ بیت کہ راج ءِ دیمروئی ءِ اولویت آناں پدر کنت۔
