اسلام آباد۔2جون (اے پی پی): مزن وزیر محمد شہباز شریف ءَ گوشت کہ انصاف ءِ جہد ءِ راجدپتری سوبمندی ءَ پد پاکستان ءِ حکومت ملک ءِ ادارگ آنی تہ ءَ مھکمیں اصلاحات آنی وسیلگ ءَ ملک ءَ را یک مھکمیں جھان ءِ معیشت جوڑ کنگ ءِ واستہ جزم اِنت۔ وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءِ سروکی ءَ ایف بی آر ءِ کار آنی ھوالگ ءَ چار ءُ تپاسی دیوان برجم دارگ بوتگ۔ مزن وزیر ءَ ایف بی آر ءِ تہ ءَ جاری گامگیج ءُ اصلاحات آنی سیمی نیمگ ءِ تصدیق ءِ واستہ دگنیا ءِ نامداریں کمپنی آنی سروسز ءِ لوٹگ ءِ پنت ءُشون کت ءُ گوشت کہ انصاف ءِ واستہ جہد ءِ راجدپتری سوبمندی ءَ پد پاکستان ءِ حکومت ملک ءِ تہ ءَ مھکمیں اصلاحات آنی وسیلگ ءَ پاکستان ءَ را یک مھکمیں جھان ءِ معیشت جوڑ کنگ ءِ واستہ جزم اِنت۔ حکومت ءِ سرا پابند انت، ءُ ادارہ جاتی اصلاحات درستیں شعبہ آں برجاہ انت۔ مزن وزیر ءَ گوشت کہ پاکستان ءِ حکومت ءِ توامیں ادارگ ملکی ادارگ آنی تہ ءَ کرپشن ءُ شفافیت ءِ کمی ءِ ھلاسی ءِ واستہ بے مٹیں رنگ ءَ کار کنگ ءَ اَنت، ءُ استیں جوانیں اقتصادی اشارہ حکومتی پالیشی آنی راستیں ریشگ ءِ یک پدریں ثبوت اَنت۔ مزن وزیر ءَ کسٹم ءِ جائزہ ءِ نظام ءِ استیں کارکردگی ءِ سر ءَ دل یکیمی ءِ درشان کت ءُ گوشت کہ شفافیت ءِ برجائی ءِ واستہ کسٹم ءِ جائزہ ءِ نظام ءِ وڑیں اصلاحات دلبڈی ءِ آسراتی ءِ دیم ءَ آرگ ءَ انت، ءُ پاکستان ءَ را اقتصادی رد ءَ مھکم جوڑ کنگ ءِ واستہ اے کوشست ءَ ما سوبمند بئیں۔ گند ءُ نند ءَ مزن وزیر ءَ را کسٹم اسیسمنٹ سسٹم ءِ انوگیں کارکردگی ءُ پاکستان ریونیو آٹومیشن لمیٹڈ ءَ اصلاحات ءِ دیمروئی ءِ بابت ءَ سرپد کنگ بیت۔ بریفنگ ءَ گوشت کہ کسٹم ءِ جائزہ ءِ نظام ءِ سر ءَ عمل کنگ ءِ آسر ءَ آمدنی ءِ تہ ءَ سرجمیں رنگ ءَ گیشی بوتگ ءُ کسٹم کلیئرنس ءِ وھد ءَ را مزنیں کساسے ءَ کمی بوتگ۔ پاکستان ریونک آٹومیشن لمیٹڈ ءِ تہا اصلاحات ءِ عمل زور ءَ انت۔ بریفنگ ءَ گوشگ بوت کہ عام الس ءِ واستہ آسانیں ڈیٹا ٹیکس ریٹرن سسٹم ءِ زوت عمل کنگ بیت۔ عام مردم ءِ آسراتی ءِ ھاتر ءَ اردو ءُ دگہ دمگی زباناں ڈیٹا ٹیکس ریٹرن سسٹم ءِ دیم ءَ آرگ ءِ ھاتر ءَ کار کنگ بوھگ ءَ اِنت۔ گند ءُ نند ءَ وفاقی وزیر ءِ کانود ءُ انصاف اعظم نظیر تارڑ، وفاقی وزیر ءِ اطلاعات ءُ شنگکاری عطا اللہ تارڑ، چیئرمین ایف بی آر ءُ سیادی داروکیں ادارگ آنی مزنیں افسراں بہر زرتگ۔
