وزیراعلیٰ بلوچستان میر سرفراز بگٹی نا کماشی ٹی کوئٹہ الیکٹرک سپلائی کمپنی (کیسکو ) نا اسہ بڑزکو کہولی دیوان اس اڈ ہلک

کوئٹہ  ۔ 02جون (اے پی پی) وزیراعلیٰ بلوچستان میر سرفراز بگٹی نا کماشی ٹی کوئٹہ الیکٹرک سپلائی کمپنی (کیسکو) نا اسہ بڑزکو کہولی دیوان اس دوشنبے نادے آ داڑے چیف منسٹر سیکرٹریٹ اٹی اڈ ہلک ہراٹی صوبہ ٹی بجلی نا فراوانی و بشخنگ نا نظام، السی غاو، و مرمر انگا علاقہ غاتیٹی برقی شونداری ڈٹ آتا سرجمی اٹ جاچ ءِ ہلنگا ، دیوان اٹی چیف ایگزیکٹیو آفیسر کیسکو سید یوسف شاہ کیسکو ءِ مون تروک ویل، بجلی نا ساڑی حالیت و گمانی ایسری آ سرجمی اٹ حوال تس۔ وزیراعلیٰ میر سرفراز بگٹی کیسکو کمامدارآتے پارت کرے کہ مچ آصوبہ ٹی بجلی نا بے سلنگ آن فراوانی ءِ پک کننگے و فراوانی نظام اٹی ساڑی خامی تے دمدستی مرکننگ کن جوان و گچین حکمت عملی اس اختیار کننگے۔ اوپارے کہ کیسکو السی ریلیف ءِ اولیت ایتے و غاوی نظام ءِ داوڑاٹ گچین کننگے کہ لس شاری تا غاوتے وخت آ بِننگ و مر کننگ مرے ، وزیراعلیٰ تیرمہ ٹی بے گرج لوڈشیڈنگ و بجلی نا بے جا بندش آن پاناد کننگ نا سخت پارت کرساپارے کہ الس ءِ ریلیف فراوان کننگ کیسکو نا اولی زمواری مرے۔ اوڈیرہ بگٹی، بیکڑ تون اوار صوبہ نا مر مر انگا و پدسلوک علاقہ غاتیٹی برجاشونداری ڈٹ آتے وخت آ پورو کننگ آ زور شاغا و پارت کرے کہ دا علاقہ غاتیٹی بجلی نا فراوانی ءِ گچین کننگ کن پبی و پائیدار ڈٹ بندی کننگے ، وزیراعلیٰ پیدوار کرے کہ حکومت بلوچستان السءِ بنداوی آسراتی نا فراوانی ءِ ہچ ءُ کسر اس ہلیپک و دامسخت کن غٹ پبلک سیکٹر ادارہ غاتے تینا زمواری تے ایمانداری و فرض شناسی اٹ ادا کروئی مریک۔