اسلام آباد۔ 02 جون (اے پی پی) دفترخارجہ نا ترجمان پارینے کہ وزیراعظم محمد شہباز شریف نا پارت آ وزیراعظم نا خصوصی کمکار سید طارق فاطمی نا کماشی ٹی پاکستان نا ڈل 2آن 4 جون اسکان ماسکونا دورہ ءِ کیک۔ پاکستان نا بڑزکو کہولی ڈل انا دورہ غاتا بابت میڈیا نا سوج آتا بابت ترجمان دوشنبے نادے آ داڑے تینا بیان اٹی پارے کہ وزیراعظم محمد شہباز شریف نا پارت آ بڑزکو کہو ل انا پاکستانی ڈل آک جون اٹی اہم دارالحکومت بشمول ماسکو ٹی کمامدارآتون اوڑدہی کیرہ تانکہ ساڑی آبھارتی جارحیت وپاکستان نا زموارانہ طرزعمل آ پاکستان نا نقطہ نظر ءِ پیش کننگ مرے۔ اوپارے کہ وزیراعظم نا خصوصی کمکار سید طارق فاطمی 2آن 4 جون اسکان ماسکو ٹی ڈل انا کماشی ءِ کیک۔ دورہ ٹی او سینئر روسی کمامدارآتون اوڑدہی کیک و میڈیا و تھنک ٹینکس تون ہم گپ وتران کیک۔
