اشک آباد۔ 02 جون (اے پی پی) چیئرمین سینیٹ سید یوسف رضاگیلانی ترکمانستان نا وزیر خارجہ رشید میریدوف تون اوڑدہی کرے ہراٹی ہڑتوم آ کنڈآتا تعلقداری تیا سرجمی اٹ گپ وتران کننگا۔ سینیٹ سیکرٹریٹ نا رداٹ چیئرمین سینیٹ ترکمانستان نا کنڈآن مہمانداری آ منت واری ءِ ہرفے و پاکستان نا کنڈآن ترکمانستان نا آخبتی بے کنڈ ہلنگ نا پالیسی نا پبی مخ تفی نا درشانی ءِ کرے۔ اوسیاسی، واپاری …
چیئرمین سینیٹ سید یوسف رضاگیلانی نا ترکمانستان نا وزیرخارجہ رشید میریدوف تون اوڑدہی ، گوادر و کراچی بندرگاہ تا کاریم اٹ اتنگ، زرکاری نا سلہ خلک
گیشتریں ھال
اشک آباد۔ 02 جون (اے پی پی) چیئرمین سینیٹ سید یوسف رضاگیلانی ترکمانستان نا وزیر خارجہ رشید میریدوف تون اوڑدہی کرے ہراٹی ہڑتوم آ کنڈآتا تعلقداری تیا سرجمی اٹ گپ وتران کننگا۔ سینیٹ سیکرٹریٹ نا رداٹ چیئرمین سینیٹ ترکمانستان نا کنڈآن مہمانداری آ منت واری ءِ ہرفے و پاکستان نا کنڈآن ترکمانستان نا آخبتی بے کنڈ ہلنگ نا پالیسی نا پبی مخ تفی نا درشانی ءِ کرے۔ اوسیاسی، واپاری و واپاری تعلقداری تے مون آ دننگ نا اہمیت آ زور شاغسا ہڑتوم آ کنڈآتا واپار اٹی ودکی نا گرج ءِ تالان کرے۔ اوڑدہی ٹی تاپی، ٹی اے پی و فائبر آپٹک ڈٹ آتیا ہم سرجمی اٹ سجفنگا۔ چیئرمین سینیٹ علاقائی رابطہ (ریجنل کنیکٹویٹی) نا اہمیت آ زور شاغا و ترکمانستان ءِ گوادر و کراچی بندرگاہ تا کاریم اٹ اتنگ و زرکاری نا سلہ خلک۔ وزیرخارجہ ترکمانستان سٹریٹجک مسخت آتا دوئی کننگ کن عملی گام گیج کننگ نا سلاہ تس ہرافتے ٹی ترکمانستان اٹی تعمیراتی ڈٹ آتیکن پاکستان آن ماربل نا درآمد و بڑزکو کہولی دورہ غاتیٹی ودکی اوار ءِ تانکہ ہڑتوم آ کنڈآتا تعلقداری تے پین سوگو کننگ مرے۔ اوڑدہی ٹی سینیٹرز جان محمد بلیدی، حاجی ہدایت اللہ و وقار مہدی ئسک ہم ساڑی ئسر۔
