کوئٹہ۔ 31 مئی (اے پی پی):مزن وزیر محمد شہباز شریف ءَ گشتگ کہ پاکستان ءَ نہ ایوک ءَ جنگ ءَ ہندوستان شکست داتگ بلکینگ ءَ سفارتی تک ءَ ہم لگت داتگ۔ ہندوستان ءَ را ھچبر آپ ءَ را سلاہ ءِ بستار ءَ کارمرز کنگ ءِ اجازت نہ دیگ بیت۔ آئی ایم ایف ءِ گوما سوبمندیں معاہدے ءَ ملک ءِ معیشت ءَ را مھکم کتگ، پاکستان ءِ اقتصادی مھکم بوھگ ءِ واستہ اصلاحات المی انت، استیں حکومت ءَ کرپشن ءِ ھلاپ ءَ صفر برداشت ءِ پالیسی ءِ سرا عمل کتگ، افراط زر ءِ شرح 38 درسد ءَ چہ یک ہندسہ ءَ اتکگ، کریپٹو ءُ بلاکچین ٹیکنالوجی ءِ سرا عمل کنگ بوھگ ءَ انت وھدے کہ وفاقی حکومت ءِ نوآبادیاتی ءِ سرا عمل کنگ بوھگ ءَ انت۔ انسداد ناشرکاری، چین، سعودی عرب، ترکی، قطر ءُ خلیج ءِ ملک ھما شریں سنگت اَنت کہ آیاں گرانیں وھد ءَ مئے کمک کتگ، مارا مزنیں راجانی تہ ءَ ھوار بوھگ ءِ واستہ سک باز محنت کنگی اِنت۔ اے ھیالانی درشانی آئی ءَ شمبے ءِ روچ ءَ کمانڈ اینڈ اسٹاف کالج کوئٹہ ءَ افسر آں گوں تران کنان ءَ کت۔ اے موہ ءِ سر ءَ فیلڈ مارشل سید عاصم منیر، سر وزیر بلوچستان میر سرفراز بگٹی، وفاقی وزیر احسن اقبال، عطا اللہ تارڑ، کور کمانڈر بلوچستان لیفٹیننٹ جنرل راحت نسیم احمد خان، ڈی جی آئی ایس پی آر احمد شریف چوہدری ءُ اے دگہ مردم ھم ساڑی بوتگ انت۔ مزن وزیر شہباز شریف ءَ گوشت کہ کمانڈ اینڈ اسٹاف کالج ءَ مدام جوانیں ازمت کتگ انت۔ کمانڈ اینڈ اسٹاف کالج ءَ جتا جتائیں ملک آنی مہمان آنی وش آتک کنگ بیت۔ مہمانانی آیگ ءُ آہانی ادا آیگ مئے جوانیں سیادی ءِ عکس اِنت۔ آئی ءَ گوشت کہ مرچی یکجائی محاذ ءِ بدل ءَ جتا جتائیں جہت آنی تہ ءَ صلاحیت آنی چکاس انت۔ پہلگام وئیل ءِ آڑ ءَ بھارت ءِ نیمگ ءَ چست کتگیں گامگیج آنی سر ءَ سرجمی ءَ پسو دیگ بوتگ ۔ بھارت ءَ زوراکی ءِ کنگ ءِ وھد ءَ بے گناہیں شہری آناں نشانگ جوڑ کتگ ءُ ایشی ءِ پسو ءَ پاک فضائیہ ءَ راجدپتری کارنامہ پیش کتگ ءُ 7 مزنیں ارزشت ءِ نشانگ جتگ۔ مئے سلاہ بندیں اُرد ءَ جوانیں ھزمت کتگ ءُ اے ادارگ ءَ وتی زمہ واری ءِ پیلو کنگ ءَ ھچ وڑیں سنگ ءُ ٹال نہ کتگ۔ پہلگام ءِ واقعہ ءِ غیر جانبداریں پٹ ءُ پول کنگ ءِ بدل ءَ بھارت ءَ الزام جنگ بندات کت ءُ پاکستان ءِ سرا زوراکی کت۔ ہندوستان ءَ یک رندے پدا پروپیگنڈا شنگ کنگ ءِ جہد کت۔ مزن وزیر ءَ گوشت کہ فیلڈ مارشل سید عاصم منیر ءَ آئی ءَ را گشتگ کہ ما ہر وڑیں جنگ ءِ واستہ سرجمی ءَ تیار آں ۔ آئی ءَ گوشت کہ پاکستان ءَ نہ ایوک ءَ فیلڈ مارشل سید عاصم منیر ءِ پیشہ وارانہ ھنر آنی سبب ءَ راجدپتری سوبمندی رستگ، بلکینگ ءَ پاکستان ءَ زمین ءُ ھوائی ءَ چہ سرجمیں زور ءَ گوں بھارت ءِ پسو ھم داتگ ءُ وتی میزائل ڈیفنس سسٹم ءَ را نشانگ جوڑ کتگ۔ ایئر چیف مارشل زہیر احمد بابر ءَ ھم پیشہ وارانہ ءِ مزنیں مثال پیش کتگ۔ حکومت ءُ الس مئے سلاہ بندیں اُرد ءِ ھمراہ انت ءُ اللہ تعالیٰ ءَ مارا یک شانداریں سوبمندی ءِ نعمت داتگ ۔ دمگ ءَ امن ءُ ایمنی ءُ وشحالی ءِ واستہ جنگ بندی ءِ جار جنئگ بوتگ ۔ پاکستان ءَ نہ ایوک ءَ جنگ ءَ ہندوستان ءَ را ہلاس کتگ بلکیں سفارتی تک ءَ ہم دھکے ءِ دیمپانی کنگی بوتگ۔ اگاں بھارت دگہ گامگیج بہ زوریت گڑا آئی ءَ را لائکیں پسو دیگ بیت۔ آئی ءَ گوشت کہ سلاہ بندیں اُرد پاکستان ءِ حاکمی ءُ یکوئی ءِ ربال انت، گوستگیں وھد ءِ کش ءُ چیل ءَ چہ پد مئے اُرد ءُ راج ءِ حوصلہ گیش بوتگ انت۔ مزن وزیر ءَ گوشت کہ بھارت آپ ءَ را سلاہ ءِ رنگ ءَ کارمرد کنگ ءَ اِنت، بلے بھارت ءَ را ھچ وڑیں جاور آنی تہ ءَ آپ ءَ را سلاہ ءِ رنگ ءَ کارمرد کنگ ءِ موہ نہ دیگ بیت، آپ مئے واستہ لال لائن اِنت۔ آئی ءَ گوشت کہ پاکستان ءِ دیم ءَ ھوپ ءُ ھوپ ایوک ءَ روایتی جنگ ءِ میدان ءَ گوں بندوک نہ انت۔ ایندگہ چیلنج آنی ذکر کنان ءَ آئی ءَ گوشت کہ وھدے من 16ماہ ءِ مدت ءِ واستہ مزن وزیر ءِ کرسی ءِ اگدہ گپت گڈا جاور ھال مشکل بوتگ اَنت بلے نا ممکن نہ بوتگ اَنت۔ مارا یک راجے ءِ بستار ءَ اے ساھت ءَ چہ پائدگ چست کنگ ءُ دیم ءَ جنزگ ءِ ضلورت اِنت۔ آئی ایم ایف ءِ گوما کامیاتیں معاہدے ءَ چہ ملکی معیشت برجائی ءِ آماچ بوتگ ۔ پاکستان ءِ دیمروئی ءِ واستہ اقتصادی برجائی ءِ واستہ بنجاہی تک ءَ اصلاحات کنگ المی انت ءُ مئے نام ءَ مزنیں راجانی تہا ہوار کنگ ءِ واستہ محنت یک شرط انت۔ آئی ءَ گوشت کہ استیں حکومت ءَ کرپشن ءِ ھلاپ ءَ صفر برداشت ءِ پالیشی زرتگ، حکومت ءَ ھرچ محاذ ءَ مزنیں سوبمندی رستگ، مارچ 2024 ءَ اصلاحات ءِ بندات کتگ، استیں آمدنی گوستگیں سال ءِ مقابلہ ءَ 28درسد گیش اِنت کہ اے مزنیں سوبمندی یے، یک بے دیمیں جائزہ ءِ نظام ءِ دیم ءَ آرگ بوتگ ، بلکیں افراط زر ءِ شرح 38% ءَ چہ یک ہندسہ ءَ اتکگ ءُ پاکستانی روپیہ ءِ شرح مھکم بوتگ۔ آئی ءَ گوشت کہ وتی محنت ءَ چہ ما دمگ ءَ را دگنیا ءِ واستہ آئیڈیل جوڑ کن ایں پرچا کہ محنت نایابیں نگین انت کہ سوبمندی ءَ دنت، ما مشکلیں پیسلہ کتگ انت۔ معیشت ءِ گہتری ءِ ھاتر ءَ حکومت ءَ قاچاق ءِ کنٹرول ءَ چہ معاشی نظام ءَ را مھکم کتگ ءُ بجلی ءِ دُزی ءِ ھلاسی ءَ را دل یکیمی کنگ بوتگ۔ آئی ءَ گوشت کہ دیم ءَ اتکگیں چیلنج آناں آہن ءِ جزم ءَ گوں گر ءُ چیل کنگ بیت ءُ جدت ءَ را وتی سرا زورگ ءِ وھد ءَ کریپٹو ءُ بلاکچین ٹیکنالوجی ءِ سر ءَ عمل کنگ ءَ انت۔ وفاقی حکومت ءِ دلگوشی معیشت، اصلاحات ءُ ناشرکاری ءِ ھلاپ ءَ انت۔ سعودی عرب پاکستان ءِ شرتریں دوست اِنت ءُ پاکستان ءِ گوں خلیج ءِ ملکاں جوانیں سیادی اَنت۔ چین ءِ گوں دوستی ءَ ہر چکاس ءِ دیم ءَ اوشتاتگ۔ ترکی، قطر ءُ دگہ دوستیں ملکاں گرانیں وھداں سرجمیں کمک کتگ۔
