اسلام آباد۔31مئی (اے پی پی):صدر ءِ مملکت آصف علی زرداری ءَ ایشیائی ایتھلیٹکس چیمپئن شپ ءِ سوبمندی ءِ پد ءَ ارشد ندیم ءَ را مبارک بات داتگ ءُ گوشت کہ ارشد ندیم ءَ یک رندے پدا نیزہ ءِ شنگ کنگ ءِ کھیڈ ءَ پاکستان ءَ را شان ءُ شُہاز داتگ۔ صدر ءِ مملکت ءَ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ فائنل ءَ ھوار سرجمیں چیمپئن شپ ءَ ارشد ندیم ءَ جوانیں گوازی پیش کتگ۔ ارشد ندیم ءِ اے وشیں سوب مندی ءَ سرجمیں راج ءَ را مراد بات آں ۔ صدر ءِ مملکت ءَ گوشت کہ ارشد ندیم ءِ جوانیں کارکردگی ءِ سر ءَ سرجمیں راج ءَ را فخر اِنت ءُ آیوکیں وھد ءَ ھم ارشد ندیم ءِ سوبمندی ءِ واستہ دعا لوٹ اَنت۔
