لاہور۔1جون (اے پی پی):صدر ءِ مملکت آصف علی زرداری ءَ گوشت کہ پاکستان ءُ بنگلہ دیش ءِ نیام ءَ جتا جتائیں شوبگ آنی تہ ءَ کمک ءِ واستہ سک باز موہ است انت، مارا دوئیں ملک آنی اُلس ءِ گہبود ءِ واستہ یکجائی ءَ کار کنگ لوٹ ایت۔ آئی ءَ اے ھیالانی درشانی یک شمبے ءِ روچ ءَ گورنر گس لاہور ءَ کرکٹر ءُ پاکستان ءُ بنگلہ دیش ءِ اہلکار آنی شرپ ءَ داتگیں استقبالیہ ءِ تہ ھاسیں مہمان ءِ بستار ءَ گشتانک دیان ءَ کت۔ اے موہ ءِ سر ءَ پاکستان کرکٹ بورڈ ءِ چیئرمین، وفاقی تہی کارانی وزیر محسن نقوی، گورنر پنجاب سردار سلیم حیدر، پاکستان ءُ بنگلہ دیش ءِ کرکٹ ٹیم آنی کھڈکار ءُ کارندہ ءُ اے دگہ مردم ساڑی اتنت۔ صدر ءِ مملکت ءَ گوشت کہ کھیڈ وت مہ وتی رابطہ ءِ یک ھاسیں وسیلگ اِنت، بنگلہ دیش ءِ کرکٹ ٹیم سفیر ءِ بستار ءَ پاکستان ءِ تر ءُ تاب ءَ اِنت، بنگلہ دیش یک براتیں ملکے، اللہ تعالیٰ ءَ بنگلہ دیش ءَ را پاکستان ءِ وڑیں وسیلگ داتگ، بنگلہ دیش ءَ را دگنیا ءِ تہ ءَ یک مھکمیں اقتصادی ملک ءِ رنگ ءَ زانگ بیت، دوئیں ھمساھگ ءُ وشھالی ءِ واستہ راج ءِ نیام ءَ کمک ءِ واستہ مزنیں موہ است اَنت۔ دوئیں ملکاں چہ بوتگ۔ صدر ءِ مملکت ءَ گوشت کہ بنگلہ دیش ءِ مرچیگیں نسل پاکستان ءَ چہ جتا بوھگ ءِ درد ءَ چہ بے ھال اِنت، من ھما نسل ءِ مردم آں کہ مارا جتا بوھگ ءَ دیستگ، وھد اتکگ کہ مارا اے درد ءَ را ھر وڑ ءَ وش کنگ لوٹ ایت، دوئیں ملک آنی نیام ءَ مھکمیں سیادی جوڑ کنگ ءُ نزیکی ءِ واستہ کار کنگ ءِ ترندیں ضلورت اِنت، مارا اے وڑیں گامگیج زورگ لوٹ ایت کہ اے راج ءَ را وشھال بہ کن اَنت۔ حوالہ ءَ دوئیں ملکانی ورناہاں وتی سرجمیں کرد پیلو کنگی اِنت۔ ایشی ءَ چہ پیسر صدر آصف علی زرداری ءَ پاک بنگلہ دیش ءِ کرکٹر ءُ کارندہ آں گوں دست ءُ دیم کت ءُ نیکیں واھگ ءِ درشان کت ءُ گوشت کہ گوستگیں سیریز ءَ پاکستانی کرکٹ ٹیم ءِ کارکردگی سک باز جوان بوتگ، بنگلہ دیش ءِ کرکٹ ٹیم ھم جوانیں کوالٹی ءِ گوازی پیش کنگ ءَ انت۔
