گومی ، جنوبی کوریا ۔31مئی (اے پی پی): وزیر ءِ مملکت ءُ مزن وزیر ءِ ڈیجیٹل میڈیا ءِ ھاسیں کمکار فہد ہارون ءَ ایشیائی ایتھلیٹکس چیمپئن شپ ءَ گولڈ میڈل ءِ باج برگ ءِ ھوالگ ءَ ارشد ندیم ءَ را مبارک بات داتگ ءُ گوشت کہ اے میڈل ءَ چہ گیش سوبمندی اِنت۔ ارشد ندیم ءِ جوانیں جوزگ ءُ جزم راج ءِ اُمیت آنی مرکز اِنت، آئی ءِ دل ءُ جزبگ ءَ چہ پُریں سفر پاکستان ءِ تب ءِ درشان اِنت، ارشد ندیم ءَ یک رندے پدا 240ملین مردم آنی پھر جوڑ بوتگ۔ آئی ءَ گوشت کہ ارشد ندیم ءَ یک رندے پدا 86.40 میٹر ءِ زوراکیں تھرو ءِ گوما راجدپتر ءَ وتی نام نبشتگ۔ ایشیائی ایتھلیٹکس چیمپئن شپ ءَ گولڈ مڈل ءِ کٹگ ءَ آئی ءَ اے گپ ثابت کتگ کہ آ ایشیا ءِ تہ ءَ نہ ایوکیں ءَ شرتریں لیبی اِنت بلکیں راستی ءَ دگنیا ءِ مستریں گوازی کنوک اِنت۔ فہد ہارون ءَ گوشت کہ ارشد ندیم ءِ اولمپک ءِ شان ءَ چہ ایشیائی حاکمیت ءِ سر ءَ سر بوھگ ءَ نسل آناں دلبڈی داتگ۔ آئی ءِ سوبمندی جھان ءِ ایتھلیٹکس ءِ تہ ءَ پاکستان ءِ ھستیں جاوراں بُرز کن اَنت ءُ مارا ھما درستیں کسہانی یات ءَ دنت کہ مارا یکجا کن اَنت ءُ دیمروئی ءِ الہام ءَ دئینت۔ آئی ءَ وتی کلوہ ءِ گڈ سرا ارشد ندیم ءَ را اے بے دروریں موہ ءَ مبارکی دات۔
