دوشنبے۔30مئی (اے پی پی): مزن وزیر محمد شہباز شریف ءَ گلیشیئرزآنی رکھینگ ءَ را پاکستان ءِ واستہ باز ارزشتی نامینانءَ گوشتگ کہ پاکستان ءَ آپ ءِ دار ءُ مداسر گلیشئرز آنی سر ءَ انت، ماحولیاتی مٹ ءُ بدلی ءِ آسر آنی نتیجگ ءَ پاکستان ءِ گلیشئرز گوں ترندی ءَ آپ بوھگ ءَ اَنت، دیمروئی کنوکیں ملک ماحولیاتی مٹ ءُ بدلی ءِ جیڈھ آں گوں دیم پہ دیمی ءِ واستہ وتی وتی زمہ واری آناں پیلو بکن اَنت۔ پاکستان آپ ءِ وتی بھر ءِ سر ءَ ھچ وڑیں سمجھوتہ نہ کنت، بھارت آئی ءَ را کورڈیلیرا لائن ءَ چہ گوزگ ءِ موہ نہ دنت۔ آئی ءَ اے ھیالانی درشانی جمعہ ءِ روچ ءَ تاجکستان ءِ بنجاھی شھر دوشنبی ءَ گلیشیر ءِ رکھینگ ءِ ھوالگ ءَ میاں اوستمانی کانفرنس (آئی جی سی پی 2025) ءَ گوں تران کنان ءَ کت۔ مزن وزیر ءَ گلیشیر ءِ رکھینگ ءُ چیلنج آنی ھوالگ ءَ سرجمیں رنگ ءَ گپ ءُ تران ءِ پد ءَ تاجک صدر ءَ را مبارک بات دات۔ آئی ءَ گوشت کہ پاکستان پولر رینج ءَ چہ پد دگنیا ءِ مستریں گلیشیر ءِ دمگ انت۔ پاکستان ءِ تہا 13 ہزار گلیشیر است انت۔ گلیشیر ءِ رکھینگ مئے واستہ سک باز المی انت۔ آئی ءَ گوشت کہ پاکستان ءِ نیم آپ گلیشیر آنی تہ ءَ چہ کیت، سندھ دریا ءِ نظام مئے زندمان ءِ لیکہ اِنت ءُ مئے تہذیب، دود ءُ ربیدگ ءُ معیشت ایشی ءِ سر ءَ بندوک اِنت، پاکستان ءِ 5 مزنیں دریاھانی آپ گلیشیر آنی سبب ءَ اِنت، موسمیاتی بدلی ءِ اثرات ءِ آسر ءَ پاکستان ءِ گلیشیر سیلاب ءِ سبب ءَ تیزی ءَ گوں آپ بوھگ ءَ اَنت، . سیلاپ ءِ وھد ءَ سرجمیں ملک ءَ میلیوناں ایکڑ ءِ سر ءَ اوشتاتگیں کشار ھلاس بوتگ اَنت، ھزاراں لوگ زمین ءَ چہ ھلاس بوتگ اَنت ءُ بنیاتی ڈھانچہ ءَ را سک باز تاوان رستگ۔ مزن وزیر ءَ گوشت کہ زہریلا گیس آنی جوہ ءَ درکنگ ءِ تہ ءَ پاکستان ءِ بھر ءُ بانگ نیم درسد ءَ چہ کم اِنت، بلے پاکستان دگنیا ءِ ھما 10 ملک آنی تہ ءَ ھوار اِنت کہ آ چاگردی مٹ ءُ بدل آنی تہ ءَ گیش ءَ چہ گیش آماچ بنت۔ مزن وزیر ءَ گوشت کہ چاگردی مٹ ءُ بدلی آنی سبب ءَ ایکو سسٹم ھم آماچ بوھگ ءَ انت۔ دیمروئی کتگیں ملک وتی ذمہ واریاں پیلو بہ کن انت کہ آ چاگردی بدلی ءِ چیلنجاں گوں دیم پہ دیم بہ بنت۔ اے درگت ءَ ترندیں ءُ عملی گامگیج المی انت۔ دیمروئی کتگیں ملک آناں دیمروئی کنوکیں ملک آنی تہ ءَ زوتیں ھال ءِ شنگ کنگ ءِ نظام ءُ آفت آنی گر ءُ دار ءِ تہ ءَ سرمایہ کاری ءَ را گیش کنگ لوٹ ایت، پرچا کہ آیوکیں وھد ءَ ھم چاگردی بدلی آنی سبب ءَ مزنیں آفت آنی ھترہ ھست۔ مزن وزیر ءَ گوشت کہ میاں اوستمانی براتی اے ھوالگ ءَ وتی زمہ واری آنی سرپد بہ بیت ءُ وتی وعدہ آنی سر ءَ زوت سر بہ بیت۔ مزن وزیر ءَ گوشت کہ آپ ھم سلاہ ءِ رنگ ءَ کارمرد کنگ بوھگ ءَ انت۔ بھارت ءِ سندھ طاس منوگری ءَ را وتی تنگ نظر سیاسی سیت آنی واستہ یک نیمگی رنگ ءَ مھتل کنگءِ پیسلہ لائک ءِ مذمت انت۔ آئیَ جار جت کہ پاکستان وتی بھر ءِ آپ ءِ ھوالگ ءَ اچ رنگیں سمجھوتہ نہ کنت ءُ بھارت ءَ را ریڈ لائن کراس کنگ ءَ نئیل ائیت۔ مزنو زیر ءَ گوشت کہ گلیشیئرز ءِ رکھینگ ھمک رنگ ءَ دل یکیمی جوڑ کنگ بیت۔
