اسلام آباد۔30مئی (اے پی پی): پاکستان کریپٹو کونسل ءِ مزن تک ءِ دیوان 2جون 2025 ءَ وفاقی وزیر ھزانگ ءُ آمدنی ءِ سروکی ءَ برجم دارگ بیت۔ جمعہ ءِ روچ ءَ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ اے دیوان یک اسٹریٹجک فورم ءِ رنگ ءَ برجم دارگ بوھگ ءَ اِنت کہ ایشی ءِ تہ ءَ پاکستان ءَ ڈیجیٹل کرنسی ءِ ھوالگ ءَ گیش بوھوکیں ریگولیٹری ءُ قانونی فریم ورک ءُ گیشیں کریپٹو لینڈ اسکیپ ءِ سر ءَ ھیال ءُ لیکہ کنگ بوھگ ءَ اِنت۔ گند ءُ نند ءَ پاکستان کرپٹو کونسل ءِ چیف ایگزیکٹو آفیسر ءِ بستار ءَ وزیر ءِ مملکت ءُ مزن وزیر ءِھاسیں کمکار بلاک چین ءُ کریپٹو ءِ ھوالگ ءَ بلال بن ثاقب شریک بیت۔ دیوان ءِ تہ ءَ اسٹیٹ بینک آف پاکستان ءِ گورنر، سیکیورٹیز اینڈ ایکسچینج کمیشن ءِ چیئرمین، کانود ءُ انصاف ءِ ڈویژن ءِ سیکرٹری ءُ وزارت انفارمیشن ٹیکنالوجی ءُ کمیونیکیشن ءِ سیکرٹری ءِ بھر زوری ءِ گمان اِنت۔ گند ءُ نند ءِ مستریں گپ پاکستان ءَ ڈیٹا ءُ ورچوئل اثاثہ آنی واستہ یک مھکمیں ریگولیٹری فریم ورک ءِ جوڑ کنگ انت کہ آ جھان ءِ مقابلہ ءُ نوکیں ٹیکنالوجی ءِ لوٹ آنی رد ءَ بہ بیت۔ دیوان ءِ یک کلیدی سرھال پاکستان ورچوئل اثاثہ ریگولیٹری اتھارٹی ءِ جوڑ کنگ ءِ نیمگ ءَ بنداتی گامگیج بیت، اے یک مجوزہ وت مہ وتی ادارگ ءِ کہ ملک ءَ ڈیجیٹل فنانس ءُ کریپٹو ایکوسسٹم ءِ نگرانی ءَ کنت۔ کونسل ءِ مول ءُ مراد یک محفوظ، شفاف ءُ جدت دوستیں ریگولیٹری ماحول ءِ جوڑ کنگ انت تانکہ بلاکچین ٹیکنالوجی ءِ ذمہ واریں رنگ ءَ زورگ ءِ اہل بہ بیت، سرمایہ کار آنی رکھینگ ءُ مالی شمولیت ءَ را دیم ءَ برگ بہ بیت۔ گند ءُ نند ءَ پاکستان ءَ آیوکیں وھد ءِ مالیاتی ڈھانچہ ءِ دیمروئی ، ڈیجیٹل معیشت ءِ تہ ءَ استحکام ءَ را دل یکیمی کنگ ءُ ضوابط ءِ سر ءَ سرجمیں رنگ ءَ عمل کنگ ءَ را دل یکیمی کنگ ءِ حکومت ءِ جزم ءِ درشان کنگ بوتگ۔
