اسلام آباد۔30مئی (اے پی پی): کشمیر ءِ کارانی وفاقی وزیر گلگت بلتستان ءُ پاکستان مسلم لیگ ءِ صدر انجینئر امرا مقام ءَ پیسریگیں فاٹا ءِ یکجاھیں ضلع آنی مسلم لیگ ءِ صدر ءُ سروک آنی گوما گند ءُ نند کت۔ گند ءُ نند ءِ ساھت ءَ ڈل ءَ مسلم لیگ (ن) ءِ صدر ءَ را ھوار بوتگیں ضلع آنی ھاسیں جیڈھ آں چہ سرپد کت۔ جمعہ ءِ روچ ءَ جاڑی بوتگیں بیان ءِ رد ءَ انجینئر امرا مقام ءَ آہانی جیڈھ آں گوں دلگوشی ءَ گوشداشتگ ءُ سرجمیں کمک ءِ دل یکیمی داتگ۔ آئی ءَ گوشت کہ تئی لوٹ سرجم ءَ جائز ءُ راست اَنت، تئی وشھالی مئے وشھالی اِنت، من ھرچ وڑیں کمک ءِ واستہ تیار آں، یکجا بوتگیں دمگ آنی وتی یک جتائیں پجار ءُ ارزشت ءِ ھست اِنت۔ ڈل ءَ خیبر پختونخوا مسلم لیگ ءِ صوبائی صدر انجینئر عامرا مقام ءِ سروکی ءَ را سرجمی ءَ ساڑات۔ خیبر پختونخوا ءِ الس ءِ یکجاھیں دمگ ءُ الس ءِ دیریں جیڈھ آناں گیواری ءِ واستہ دل یکیمی ءِ درشان ءُ وتی کوشست آناں ساڑات۔ خیبر پختونخوا مسلم لیگ (ن) ءِ صدر انجینئر امیر مقام ءَ گوشت کہ مزن وزیر شہباز شریف ءِ سروکی ءَ وفاقی حکومت یکجا بوتگیں دمگ آنی جیڈھ آناں گیواری ءِ واستہ ھاسیں دلگوشی دیگ ءَ انت۔ انجینئر امیر ءَ گوشت کہ یکجا بوتگیں دمگ آنی جیڈھ آناں گیواری ءَ مدام کلیدی کرد پیلو کتگ ءُ آیوکیں وھد ءَ ھم ایشانی گوما اوشتات کن اَنت۔ مسلم لیگ (ن) ءِ ڈل ءَ پیسریگیں فاٹا ءِ درستیں یکجاھیں ضلع آنی سروک ھوار اتنت کہ ایشی ءِ تہ ءَ راجی اسمبلی ءِ پیسریگیں باسک ملک نذیر ءُ ملک سپین گل، سینئر نائب صدر عنایت خان، کوآرڈینیٹر ذر خان صافی، فقیر محمد، گل کریم، ملک شعبان اورکزئی، ثناء اللہ، عبد الکریم عابد، میر بادشاہ جندولہ، سعید دراز خان، کاشف خان، نقیب اللہ محسود ءُ اختر زمان ھوار اتنت۔ اے موہ ءِ سر ءَ صوبائی اسمبلی ءِ باسک سردار شاہ جہان یوسف ھم ساڑی ات۔
