ہانگ کانگ۔30مئی (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ مقبوضہ جموں ءُ کشمیر ءَ بگر داں مقبوضہ فلسطین ءِ سرزمین آنی تہ ءَ دراجیں جیڈھ ءُ درملکی قبضہ ءِ جاور ھال دمگی ءُ میاں اوستمانی امن ءُ ایمنی ءِ واستہ ھترہ انت۔ جموں ءُ کشمیر ءِ نا گیش ءُ گیواریں جیڑھ جنوبی ایشیا ءَ جیڑھانی مزنیں وسیلہ جوڑ بوتگ۔ پاکستان ءُ چین مدام اے گپ ءِ نشانی بوتگ کہ جھان ءِ امن ءُ ایمنی ءُ دیمروئی ءِ واستہ کثیر نیمگی پسندی المی اِنت۔ دری کارانی کارگس ءِ رد ءَ جمعہ ءِ روچ ءَ چین ءِ ہانگ کانگ ءِ ھاسیں انتظامی دمگ ءَ میاں اوستمانی گل ءِ میان استمانی ءِ دستخط ءِ مراگش ءَ گوں تران کنان ءَ محمد اسحاق ڈار ءَ گوشت کہ پاکستان ءَ را آئی او ایم ڈی ءِ بنجاہی باسک آنی تہ ءَ ھوار بوھگ ءِ سر ءَ فخر اِنت۔ نائب مزن وزیر ءَ راجی جمہوریہ چین ءَ را مراگش ءِ میزبانی ءِ سر ءَ مبارکی دیان ءَ گوشت کہ اے گامگیج ءَ را دیم ءَ برگ ءُ یکجائی وژن ءَ را عملی حقیقت ءِ تہ ءَ بدل کنگ ءِ تہ ءَ سروکی ءِ ھاسیں کرد زانت ءِ چکاس اِنت۔ مرچی دستخط ءِ مراگش ءَ چہ میاں اوستمانی میان استمانی ءُ سفارتکاری ءِ پڑ ءَ نوکیں دور ءِ بندات اِنت۔ آئی ءَ گوشت کہ چین ءِ ھانگ کانگ ءِ ھاسیں انتظامی دمگ ءَ آئی او ایم ای ڈی ءِ جوڑ کنگ ءِ کنونشن ءِ سر ءَ دستخط ءِ مراگش ءَ راجی جمہوریہ چین ءِ نمائندگی کنگ پاکستان ءِ واستہ مزنیں فخر ءِ گپ اِنت۔ محمد اسحاق ڈار ءَ گوشت کہ اے مراگش یک ھاسیں جھان ءِ اڈارگ ءِ پیداک بوھگ ءِ ھم علامت اِنت کہ آ کثیر جہتی ءُ ثالثی ءِ اصول آنی حمایت ءَ کنت، اے گامگیج من ءَ چند ءِ نیمگ ءَ اے آئی آئی بی ءِ جوڑ کنگ ءِ یات ءَ دنت۔ آئی ءَ گوشت کہ آئی او ایم ڈی ءِ جوڑ کنگ ثالثی ءِ پڑ ءَ ھما وڑ ءَ کسانیں گامگیج اِنت کہ اے آئی آئی بی فنانس ءِ پڑ ءَ بوتگ۔ ہانگ کانگ ءِ نوک جوڑ بوتگیں اڈارہ ءِ ہیڈ کوارٹر ءِ گچین کنگ ہم ستا کرزیں گپے ۔ ہانگ کانگ یک زندگیں شہرے کہ مشرق ءَ گوں مغرب ءَ “سپر کنیکٹر” ءُ “سپر وائیڈکٹ” ءِ دروشم ءَ ہمگرنچ کنت۔ ہانگ کانگ اے بدلی ءِ سفر ءِ ھاترا جوانیں جاہ ءَ انت۔ نائب مزن وزیر ءَ گوشت کہ پاکستان ءَ تجارتی ءُ سرمایہ کاری جیڈھ آنی گیواری ءُ عدالتی کارکردگی ءَ را دیمروئی دیگ ءِ واستہ انٹرنیشنل آربیٹریشن سنٹر جوڑ کتگ۔ آئی ءَ گوشت کہ ما پاکستان ءِ آئی او ایم ڈی سیکرٹریٹ ءُ آئی ایم اے سی ءِ گوما کار کنگ ءِ وڈار ءَ آں۔ مئے گمان اِنت کہ اقوام متحدہ ءِ منشور ءِ اصولانی سر ءَ سک باز عمل کنگ ءُ سلامتی کونسل ءِ قرارداد آنی سر ءَ مخلصانہ رنگ ءَ عمل کنگ ءَ چہ میاں اوستمانی کانود ءِ رد ءَ امن، ایمنی ءُ جھان ءِ وشھالی ءَ را دیم ءَ برگ بوت کنت۔ نائب مزن وزیر ءَ گوشت کہ ثالثی، سفارتکاری، گپ ءُ تران ءُ میاں اوستمانی کمک اے ٹوھیں رپک ءِ کلیدی کنٹگ اَنت۔ مرچی مئے ادا ھست بوھگ مئے اے آدرشانی سرا وتی جزم ءِ دوبر پدر کنگ اِنت۔ آئی ءَ گوشت کہ مرچی ھما وھد ءَ کہ من ادا شمارا گوں تران کن آں نوکیں نسل ءَ را جنگ ءِ تباہی ءَ چہ رکّینگ ءِ واب پیسر ءَ چہ گیش دور گندگ ءَ کیت۔ اے وھد ءَ پاپولیزم ءُ الٹرا نیشنلزم ءِ یک نیمگی قوت سرجم ءَ متحرک کنگ بنت۔ گپ ءُ تران ءُ میانجی ڈاری ءِ بدل ءَ جیڑہ ءُ تپاوت سرھالانی سر ءَ حاکم اَنت۔ لھتے مردم اقوام متحدہ ءِ منشور ءِ مول ءُ مراد ءُ اصول ءُ ھمے رنگ ءَ میان استمانی کانود ءِ بُنکی اصولانی سرا بے دروریں رنگے ءَ ھلاپ ورزی کنگ ءَ اَنت۔ اے مردم وتی گچینکاری ءِ سوبمندی ءُ بالادستی ءِ دمگی عزائم ءِ قربان گاہ ءِ سرا میان استمانی امن ءِ قربان کنگ ءَ تیار انت۔ نائب مزن وزیر ءَ گوشت کہ گوستگیں وھد ءَ مارا سفارتکاری، میاں اوستمانی کانود ءُ ثالثی ءِ بے ھیال کنگ ءِ سبب ءَ مزنیں بحران گندگ بوتگ اَنت۔ مئے رودراتکی ھمساھگ ءِ نیمگ ءَ چہ انوگیں بے سوب ءُ بے جاہیں فوجی زوراکی ءِ رد ءَ میان اُستمانی کانود ءِ ھاسیں ھلاپ ورزی اِنت کہ اے دمگی ءُ میان اُستمانی امن ءُ ایمنی ءِ ھاترا مزنیں ھترہ یے ۔ 1960 ءِ سندھ ءِ آپانی معاہدہ کہ یک مزنیں میان استمانی معاہدہ یے، میان استمانی انسانی حقانی قانون ءُ انسانی اصولانی خلاف ورزی ءَ جوڑ کنگ بوہگ ءَ انت۔ اے ناانصافیں زوراکی ءِ کارروائی چہ میان استمانی براتی ءِ لوٹ ءُ گزر ءُ کش ءُ گور ءِ کم کنگ ءِ گامگیجاں سرجمیں بے ھیال کنگ ءَ کنگ بوتگ اَنت۔ محمد اسحاق ڈار ءَ گوشت کہ چوش کہ اے گل ءِ جوڑ کنگ ءَ چہ اے گپ پدر بیت کہ میاں اوستمانی براتی اقوام متحدہ ءِ منشور ءِ ھلاپ ورزی ءُ زور ءِ وتی مرضی ءَ کارمرد کنگ ءَ را ھچبر وتی وتی رویہ ءِ رنگ ءَ نہ لیک ایت، جموں ءُ کشمیر ءِ نا گیش ءُ گیوار بوتگیں جیڈھ جنوبی دمگ آنی تہ ءَ جیڈھ ءِ وسیلگ جوڑ بوتگ، اے جیڈھ ءِ زوتیں گیش ءُ گیوار ءِ ضلورت اِنت۔ اقوام متحدہ ءِ سلامتی کونسل ءِ قرارداد ءُ کشمیری راج ءِ واھشتانی رد ءَ کنگ بوتگ۔ آئی ءَ گوشت کہ مارا اے نوکیں ءُ پیداکیں چیلنج آناں منگی اِنت کہ جغرافیائی، میاں اوستمانی ءُ ٹیکنالوجی ءِ فریم ورک ءَ چہ در اَنت، مارا اے نوکیں ءُ پیداکیں چیلنج آناں سرپد بوھگی اِنت کہ جغرافیائی، میاں اوستمانی ءُ ٹیکنالوجی ءِ سیمسراں چہ در اَنت، اے جیڈھ آنی گیواری ءِ واستہ نوکیں روح ءُ حکمت عملی ءِ ضلورت اِنت۔ نائب مزن وزیر ءَ گوشت کہ اے درگت ءَ صدر شی جن پنگ ءِ نیمگ ءَ چہ دیم ءَ آؤرتگیں گلوبل سیکورٹی انیشیٹیو ءِ اقوام متحدہ ءِ بنیات ءَ امن ءُ ایمنی ءِ نظام ءَ را مھکم کنگ ءِ تہ ءَ یک انچیں ارزشت ءِ است اِنت۔ جی ایس آئی ءِ یکے دومی ءِ مفاد، ناقابل تقسیم، ایمنی، حاکمیت ءِ احترام ءُ میان استمانی میان استمانی نظم ءِ سرا زور دیگ، مقابلہ ءِ بدل ءَ گپ ءُ تران ءِ سرا زور دیگ، سی ایس ٹی او ءِ مول ءُ مراد ءِ رد ءَ انت۔ آئی ءَ گوشت کہ چین ءِ اسٹریٹجک شریک ءُ ہر موسم ءِ دوست ءِ بستار ءَ پاکستان وتی کثیر نیمگی کوشست آنی واستہ چین ءِ بے دروریں کمک ءِ توسیپ ءَ کنت۔ چین مشرق ءُ مغرب ءُ شمال ءُ جنوب ءَ را یکجا کنگ ءَ یک مشترکہ آیوکیں وھد ءِ گوما یک گلوبل کمیونٹی ءِ جوڑ کنگ ءِ نیمگ ءَ روگ ءَ اِنت۔ پاکستان ءُ چین ءَ مدام اے لیکہ ءِ سرا عمل کتگ کہ کثیر الجہتی ءِ سرا جھان ءِ امن، استحکام ءُ دیمروئی ءِ کلید است انت۔ نائب مزن وزیر ءَ گوشت کہ مرچی آئی او ایم ای ڈی ءِ جوڑ کنگ ھمے واب ءِ درشان اِنت کہ گیش ھواریں، گیش انصاف ءُ یکسانیں دگنیا ءِ جوڑیشت ءِ واستہ نوکیں موہ ءُ موہ پجاری کنت، پاکستان اے شرپڈاریں مشن ءِ تہ ءَ سرگرمیں کرد ءَ برجاہ ڈار ایت۔ محمد اسحاق ڈار ءَ گوشت کہ ما آئی او ایم ای ڈی ءَ نہ ایوک ءَ وتی سفارتی تجربگ ءَ آرگ ءَ ایں بلکینگ ءَ گپ ءُ تران، انصاف ءُ مساوات ءِ واستہ وتی بے دروریں جزم ءَ را ھم آرگ ءَ ایں ۔ آئی ءَ گوشت کہ ما اے اڈارگ ءَ را توانمند کن ایں تانکہ آ امن، انصاف ءُ مساوات ءِ دیمروئی ءِ تہ ءَ وتی سرجمیں توان ءَ گوں کار بہ کنت۔
