اسلام آباد۔30مئی (اے پی پی): نائب مزن وزیر ءُ وزیر ءِ درئی کار سینیٹر محمد اسحاق ڈار ءَ آدینگ ءِ روچ ءَ چین ءِ ھاسیں انتظامی دمگ ہانگ کانگ ءَ میاں اوستمانی گل برائے ثالثی ءِ جوڑیشت ءِ کنونشن ءِ سر ءَ دست چنگل ءِ مراگش ءَ بھر زوری کت۔ درئی کارانی کارگس ءِ رد ءَ مراگش ءِ ساھت ءَ نائب مزن وزیر ءَ پاکستان ءِ نیمگ ءَ کنونشن ءِ سر ءَ دستخط کتگ ۔ اے راجدپتری موہ ءِ سر ءَ تران کنان ءَ نائب مزن وزیر ءَ میاں اوستمانی ثالثی ادارگ ءِ شور ءُ سلاھ ءُ ایشی ءِ جوڑیشت ءِ وژن ءِ سہرائیں رنگ ءَ توسیپ کت۔ نائب مزن وزیر ءُ درئی کارانی وزیر محمد اسحاق ڈار ءَ جیڈھ آناں پرامن گیواری ءِ واستہ پاکستان ءِ مھکمیں جزم ءِ سر ءَ زور پر دات ءُ بھارت ءِ میاں اوستمانی کانود ءِ بے دروریں خلاف ورزی، پاکستان ءِ سر ءَ آئی ءِ زوراکی، سندھ ءِ آپانی معاہدے ءِ خلاف ورزی ءُ نا گیش ءُ گیوار بوتگیں جموں ءُ کمش ءِ جیڈھ آنی اثر آنی سر ءَ چمشانک دات۔
