اسلام آباد۔29مئی (اے پی پی): آرمی چیف فیلڈ مارشل سید عاصم منیر ءَ گشتگ کہ کشمیر ءِ بابت ءَ ہچ وڑیں ڈیل بوت نہ کنت، ما کشمیر ءَ کدئی شموشت نہ کنیں، آپ پاکستان ءِ ریڈ لائن انت ءُ ما 24 کروڑ پاکستانی ءِ ھک آنی لگتمالی ءِ موہ نہ دئیں۔ پنچ شمبے ءِ روچ ءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی آئی ءَ جتا جتائیں یونیورسٹی آنی وائس چانسلر، پرنسپل ءُ مزنیں استاد ءُ رھشون آنی گوما گپ ءُ تران کنان ءَ کت۔ استاد پاکستان ءِ مستریں مڈی انت، مرچی من کجاآں، اے منی مات ءُ پت ءُ استاد آنی سسب اِنت۔ فیلڈ مارشل سید عاصم منیر ءَ گوشت کہ پاکستان ءِ آیوکیں باھند آنی کرد ءِ جوڑ کنگ استاد آنی ذمہ واری انت، استاد پاکستان ءِ کسہ ءَ وتی آیوکیں باھند آنی تہ ءَ بہ گوش ایت۔ آئی ءَ گوشت کہ اللہ تعالیٰ ءَ راستی ءِ جنگ ءَ پاکستان ءَ را ھمک رنگ ءَ کمک کتگ، راستی ءِ جنگ اے گپ ءِ ثبوت انت کہ وھدے سرجمیں راج آسن ءِ دیوال جوڑ بیت گڑا دگنیا ءِ ھچ وڑیں طاقت ایشی ءَ چیر دات نہ کنت۔ چیف آف آرمی اسٹاف ءَ گوشت کہ کشمیر ءِ واستہ ھچ وڑیں ڈیل ممکن نہ اِنت، ما کشمیر ءَ را کدی شموشکار نہ بئیں، بھارت ءَ را اے گپ زانگ لوٹ ایت کہ پاکستان کدی ھم کشمیر ءَ یلہ نہ کنت۔ آپ پاکستان ءِ لال لیکہ اِنت ءُ 24 کروڑ پاکستانی ءِ اے بنیاتی ھک ءَ را پاد مال کنگ نہ بیت ۔ پاکستان ہچبر ہندوستان ءِ مستری ءَ را نہ من اِتگ۔ چیف آف آرمی اسٹاف ءَ گوشت کہ ہندوستان ءَ بازیں سال آں چہ کشمیر ءِ جیڈھ ءَ را لگت مال کنگ ءِ کوشست کتگ بلے ناکام بوتگ، نوں اے رنگ بوت نہ کنت، ناشرکار ی ہندوستان ءِ اندری جیڈھ ات ایشی ءِ بنیاتی سبب درئی راج ھاسیں رنگ ءَ مسلمان آنی سر ءَ گیش بوھوکیں ظلم ءُ زوراکی ءُ درئی راج آنی سر ءَ کینگ داری انت ، وھدیکہ کشمیر یک میاں اوستمانی جیڈھ اِت۔ آئی ءَ گوشت کہ بلوچستان ءَ ناشرکاری ہندوستان ءِ کمک ءَ چہ بوھگ ءَ انت، ایشرا گوں بلوچ آنی گوما اچ رنگیں سیادی ءِ نیست، مارا پاکستان ءَ را یک مھکمیں ریاست ءِ جوڑ کنگی انت ایشی ءَ چہ توامیں ادارگ کانود ءِ رد ، کانود ءِ چیر دستی ءَ، ابید کجام ھم سیاسی زوراکی، مالی ءُ زاتی سیت ءِ الس آنی گہبود ءِ واستہ کار بکن اَنت، ہر کس ریاست ءَ را ھمزور کنگ ءِ بیانیہ جوڑ کنگ ءِ کوشست کنگ ایشرا رد بکن اِت۔ شریکیں مردم آں جست ءُ پسو ءِ سیشن ءَ گوشت کہ ایش یک پاسبانیں سر ڈگار اِت، ایشی ءِ پشدر ءَ وردی اِنت، مارا پاکستان ءُ وتی سلاھ بندیں ارد ءِ سر ءَ پھر انت ءُ ما ایشی ءِ گوما ھمکوپگ ءَ اوشتاتگ ایں۔
