اسلام آباد۔ 29مئی (اے پی پی) وزیراعظم نا خصوصی کمکار صنعت وپیدوار ہارون اختر خان نا کماشی ٹی ٹائلز انڈسٹری نا شونداری کن جوڑ کروک کمیٹی نا ارٹ میکو دیوان اڈ ہلک ہرانا کماشی ءِ ہارون اختر خان ٹائلز انڈسٹری و انجینئرنگ ڈیولپمنٹ بورڈ انا کنڈآن پیش کروک پیش رفت نا رپورٹ آتا سرجمی اٹ جاچ ءِ ہلک۔ اوزور شاغا کہ ٹائلز انڈسٹری ءِ بایدےبند مننگ کن ہلنگپ انتئے کہ دا ملکی زرگزران کن بھاز اہم ءِ۔ 2018آن مست ٹائلز آ 55 درسد ریگولیٹری ڈیوٹی خلوک ئس، ہرانا سوب سالانہ کم وود 215 ملین امریکی ڈالر مالیت نا ٹائلز درآمد کننگاکہ۔ ساڑی آدور اٹی دا صنعت ڈیہہ انا ایلو بھلا ٹائلز جوڑ کروک و برآمد کنندگان آتا مقابلہ ٹی شدید خڑچ انا ویل آتون مون تننگ ءِ۔ پیدوار نا خڑچ 72 درسد ودانے، ہرانا بھلا سوب قدرتی گیس و بجلی نا نہاد آتیٹی ودکی ءِ۔ ہارون اختر خان پیدواری صنعت کون آ ٹائلز سیکٹر ءِ آسودہی فراوان کننگ نا گرج آ زور شاغا تانکہ اونا شونداری وپائیداری ءِ مون آ دننگ مرے۔ اووزیراعظم محمد شہباز شریف نا دا پیدوار وژن ءِ دُوارہ پارے کہ برآمد آتیٹی ودکی کننگے و درآمد آتیا سیبو ءِ کم کننگے۔ ننا صنعت آک بند مننگ ءُ، ننے اوفتے بچفوئی مریک و شونداری نا کنڈآ دروئی مریک۔ کمیٹی ٹائلز انڈسٹری ءِ مون تروک چیلنج آتے ایسر کننگ کن کوشست آتے برجاتخنگ و داوڑنا پالیسی تا مخ تفی ءِ کننگ آامنا کرے ہراملکی و جہانی کہو ل اونا مسابقت ءِ ودفر۔
