اسلام آباد۔ 29 مئی (اے پی پی) بنجائی وزیر توانائی سردار اویس احمد خان لغاری بجلی نا نہاد آتیٹی ودکی نا خبرآتا سختی اٹ تردید ءِ کرساپارینے کہ حکومت بجلی نا نہاد آتیٹی ہچ ءُ ودکی اس کتنے، بجلی نا اسہ کروڑ 80 لکھ صارف آتیکن نہاد آتیٹی 50 درسد اسکان کمتی کننگا، بروک آ مسہ سال اٹی گریڈ آن فراوان کننگ کن وافر بجلی ساڑی ءِ، تدوک آ اسہ سال آن پاور سیکٹر اٹی کروک آ اہم اصلاحات نا کمک اٹ حکومت صارف آتے ریلیف فراوان کننگ نا کوشست کرینے، تدوک آ اسہ سال اٹی صنعتی بشخ انا ٹیرف 30 درسد کم کننگانے، حکومت نا کوشست ءِ کہ پاور ٹیرف اٹی پائیدار بنداو آ کمتی کننگے۔ داخیال آتا درشانی ءِ بنجائی وزیر پنچ شنبے نادے آ ’’بجلی نا بشخ اٹی بدلی تیا ورکشاپ‘‘ آن تران کرساکرے۔ سردار اویس احمد خان لغاری پارے کہ پاکستان اٹی گیگ بدل ذریعہ توانائی نا انقلاب بسنے ، اسہ سال آن نن توانائی نا بشخ اٹی پٹ وپول و چندی گڑاتا جاچ ءِ ہلنگ اُن، آئی پی پیز تون معاہدہ غاتیا نظرثانی کننگ اُن، بجلی نا نہاد آتیٹی کمتی بسنے۔ اومستی پارے کہ شمسی توعانائی نا ذریعہ حیران کن ءِ، ساڑی آ سال تیٹی شمسی توانائی نا پیدوار اٹی ودکی مسنے۔ اویس لغاری پارے کہ مستین اٹ توانائی نا بشخ اٹی اندازہ غاک حقیقت پسندانہ الورہ، حکومت نا کوشست ءِ کہ پاور ٹیرف اٹی پائیدار بنداو آ کمتی کننگے، پاکستان اٹ گیگ بدل ذریعہ توانائی نا انقلاب بسنے، کورونا دین نا جہانی دین نا دے تیٹی توانائی نا خواست اٹی ودکی مس، آخبت اٹ حکومت ءِ بجلی نا ہلنگ آن جتا کننگ نا کوشست کننگ اُن، بجلی نا نظام اٹی بھاشا ڈیم انا اوار مننگ اہم مریک۔ بنجائی وزیر پارے کہ کوشست کننگ اُن صار ف آتے بجلی نا نظام اٹی ہیبدار ڈٹ بندی تون مون تروئی تمپ، ٹرانسمیشن نانظام اٹی اصلاحات مننگ ءِ ٹاسفارم و فیڈرآتیا زور انا بابت معلوم کننگ نا ببت ننتون پوسکن ءُ ٹیکنالوجی اف، پاکستان اٹ گیگ بدل ذریعہ نا انقلاب بسنے، شمسی توانائی نا پیدوار اٹی ودکی مسنے، کولاو گیس آ چلینگوک آ بجلی گھرتا بابت کوشست ءِ کہ چاگڑآ اثرتمپ۔
