اسلام آباد۔29مئی (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان ”اودھان پاکستان“ ءِ وژن ءِ چیر دستی ءَ مرکزی ءُ جنوبی صوبگ آنی واستہ یک کلیدی تجارتی ءُ رسد ءِ مرکز جوڑ بوھگ ءِ واستہ پائیدار توانائی، دمگی رابطہ، گرین انرجی ءِ دیمروئی ءُ پرچون تجارت ءِ دیمروئی ءِ وسیلگ ءَ جزم انت۔ پنچ شمبے ءِ روچ ءَ کیریک اسلام آباد ءِ یک دمگی ہوٹلے ءَ برجم داشتگیں 5می کیریک انسٹی ٹیوٹ ءِ سالانہ پٹ ءُ پولی کانفرنس ءَ گوں تران کنگ ءَ ات۔ کانفرنس ءِ بنگپ ” کاریک کنیکٹیویٹی: تجارت ءُ تجارت ءِ آسراتی ءِ دیمروئی“ بوتگ کہ ایشی ءِ بندوبست اے ڈی بی، کیرک انسٹی ٹیوٹ، پاکستان انسٹی ٹیوٹ آف ڈویلپمنٹ اکنامکس (پائیڈ) ءُ سرگودھا یونیورسٹی ءِ نیمگ ءَ یکجائی ءَ بوتگ ءُ ایشی ءِ تہ ءَ مزنیں تک ءِ نمائندگ، معاشیات زانت، زانتکار ءُ پالیسی سازاں بہر زرتگ۔ پروفیسر احسن اقبال ءَ گْوشتگ کہ مرچی “دمگ دوستی” ءِ دور اِنت، کہ اودا دگنیا ءَ موسمی بدلی، جغرافیائی سیاسی کش ءُ چیل ءُ ٹیکنالوجی ءِ انقلاب ءِ وڑیں جیڑھانی دیمپان اِنت۔ اے جاور ھال ءِ تہ ءَ میان اُستمانی دمگی اقتصادی کمک ءِ ملک وتی وت مہ وتی تجارت ءُ کمک ءَ را دیم ءَ برگ لوٹ اَنت۔ وفاقی وزیر ءَ اے گپ ءِ سر ءَ دلگوش گور کت کہ کیریکام ءِ ملک آنی نیام ءَ (چین ءَ ابید) یکوئی ءِ تہ ءَ ایوک ءَ 7درسد اِنت وھدیکہ آسیان ءِ ملک آنی تہ ءَ اے شرح 22درسد ءَ چہ گیش اِنت۔ آئی ءَ گوشت کہ اے کمی جغرافیہ ءِ سبب ءَ نہ اِنت بلکیں ادارگی ھمگرنچی ءِ نہ بوھگ، رسد ءِ نادراھی، ءُ بے ھمگرنچیں رھبندانی سبب ءَ اِنت۔ نامداریں معاشیات زانت پال کولیئر ءِ حوالہ ءَ آئی ءَ گوشت کہ اودان پاکستان دیمروئی ءِ وژن اِنت۔ آئی ءَ ”اُڑان پاکستان“ ءِ پنچیں ستون آنی سر ءَ گیش ءُ گیوار کت کہ ایشی ءِ تہ ءَ برآمدات، دیمروئی ءِ انجن، برابری ءُ بااختیار کنگ، درستیں تبک آنی ھوار کنگ، ای پاکستان ڈیجیٹل انقلاب ءِ نیمگ ءَ پیشرفت، چاگرد، وردن ءُ وراک، آپ ءُ موسمیاتی رکھینگ ءُ توانائی ءُ بنیاتی ڈھانچہ ءُ صنعتی دیمروئی ءِ واستہ ایندھن ھوار اَنت۔ آئی ءَ گوشت کہ پاکستان ءِ آئی ٹی برآمدات 3.5ارب ڈالر ءَ چہ گیش بوتگ ءُ سالانہ 20درسد ءِ شرح ءَ گیش بوھگ ءَ انت وھدیکہ 2.2ملین ورنا ڈیجیٹل مہارت آنی تہ ءَ تربیت دیگ بوتگ انت۔ وفاقی وزیر ءَ پاکستان سنگل ونڈو ءِ ذکر کت کہ کسٹم کلیئرنس ءِ وھد 8 روچ ءَ چہ کم کنگ بیت ءُ ایوک ءَ 48کلاک ءَ کنگ بیت، ءُ نوں ایشی ءَ را سینٹرل ایشیا راہداری آں گوں ہمگرنچ کنگ بوھگ ءَ انت تانکہ سرجمیں خطہ ءَ ڈیجیٹل تجارت ءَ را دیمروئی دیگ بہ بیت۔ ٹی آئی اے کنونشن ءِ رد ءَ پاکستان ءَ چین، میاں اوستمانی ءُ میاں اوستمانی نیام ءَ سداں ٹرک آنی میاں اوستمانی ٹرانسپورٹ ءِ آسراتی داتگ ایشی ءَ چہ ھرچ ءُ درچ 30درسد ءُ وھد 50درسد کم بوتگ۔ آئی ءَ اے گپ ءِ پدرائی کت کہ چین ءُ پاکستان اقتصادی راہداری یک دمگی اثاثہ یے، ایشی ءِ وسیلگ ءَ 3ہزار کلومیٹر ءَ چہ گیش سڑک دیمروئی کنگ بوتگ، 11 گیگاواٹ بجلی گیش کنگ بوتگ، گوادر بندرگاہ ءَ را دمگی گیٹ وے ءِ رنگ ءَ دیمروئی کنگ بوھگ ءَ انت۔ آئی ءَ گوشت کہ سی پیک ءِ دومی بھر صنعتی کمک ءُ ھاسیں اقتصادی زون آنی سر ءَ بنیات اِنت، ایشی ءِ تہ ءَ واھشت مندیں ملک آناں پاکستان ءِ توان ءِ شوبگ ءَ ھوار بوھگ ءُ گلوبل مارکیٹ ءَ سر بوھگ ءِ دعوت دیگ بوتگ۔ وفاقی وزیر ءَ توانائی ءَ را دمگ ءِ دیمروئی ءِ ”ریڑھ ءِ ہڈ“ لیکگ ءِ وھد ءَ گوشت کہ کاسا 1000 کہ پاکستان، اوگانستان، کرغزستان ءُ تاجکستان ءَ را یکجا کنگ ءَ اِنت، دمگی اثاثہ اِنت۔ آئی ءَ کریک گرین انرجی راہداری ءِ جوڑ کنگ ءِ تجویز داتگ کہ ایشی ءِ تہ ءَ شمالی توانائی پیداک کنوکیں ملک آناں جنوبی صارفین ءَ گوں ھمگرنچ کنگ بہ بیت۔ آئی ءَ اے گپ ءِ سر ءَ زور پر دات کہ ڈیجیٹل معیشت نوں تجارت ءِ وڑ ءَ المی بوتگ۔ ای پاکستان ءِ چیر دستی ءَ سرکاری ازمت آناں ڈیجیٹل جوڑ کنگ بوھگ ءَ اِنت، فری لانسرز 2024ءَ تاں یک ارب ڈالر ءَ چہ گیش کمائی کنگ ءَ اَنت، ریگولیٹری سینڈ باکس ءُ اسٹارٹ اپ ءِ جدت ءِ واستہ دلبڈی دیگ بوھگ ءَ اِنت۔ آئی ءَ کریک ڈیٹا ٹریڈ راہداری ءِ ھم تجویز داتگ کہ ایشی ءِ بنیات سمارٹ لاجسٹکس، ای کسٹم، ءُ ڈیٹا سیکیورٹی ءِ سر ءَ جوڑ کنگ بیت۔ آئی ءَ گوشت کہ دمگ ءَ اعتماد ءِ جوڑیشت ءِ عمل وانگ ءُ زانگ ءُ مردم ءِ نیام ءَ رابطہ ءَ چہ بندات بیت۔ آئی ءَ گوشت کہ وانگ ءُ زانگ ءِ دور آناں یکوئی کنگ بہ بیت، نودربر ءُ استاد آنی تبادلہ ءَ را دیم ءَ برگ بہ بیت، پالیسی سازی ءَ پٹ ءُ پول ءِ کرد ءَ را گیش کنگ بہ بیت۔ پروفیسر احسن اقبال ءَ چہ درستیں بھر زوروکیں ملک، ادارگ ءُ پالیسی سازاں لوٹ کتگ کہ آ ایوک ءَ منصوبگ آنی تہ ءَ مہ بند اَنت بلکیں نفاذ، ھمگرنچی ءُ یکجائی کوشست آناں اولیت بہ دنت۔ آئی ءَ گوشت کہ مارا یک انچیں کارکردگی ءِ دمگ جوڑ کنگی اِنت کہ ایشی ءَ چہ نہ ایوک ءَ سامان ءُ ازمت آنی بلکینگ ءَ واب، موہ ءُ آیوکیں وھد ءَ را ھم یکجا کنگ بہ بیت۔ پاکستان ءِ جزم ءِ یک رند ءَ پدر کنان ءَ آئی ءَ گوشت کہ پاکستان فنکشنل ویژن 2030 ءِ سر ءَ سرجمی ءَ جزم اِنت ءُ پڑ ءَ اقتصادی دیمروئی، برجائی ءُ رابطہ کاری ءَ را دیمروئی دیگ ءِ واستہ سرجمیں رنگ ءَ کرد پیلو کنت۔
