دوشبنے۔29مئی (اے پی پی): مزن وزیر محمد شہباز شریف دو روچی تر ءُ تاب ءِ واستہ تاجکستان ءِ بنجاھی شہر دوشنبے ءَ سر بوتگ۔ دوشنبے بالی پٹ ءَ تاجکستان ءِ مزن وزیر قاہر رسول زادہ، تاجک نائب وزیر خارجہ شر یف زادہ فرخ حمدین، پاکستان میں تاجکستان کے سفیر یوسف شریف زادہ اور تاجکستان میں پاکستان کے سفیر محمد سعید سرور ءَ مزن وزیر ءَ را دوشنبے ءِ بالی پٹ ءَ گوں دلجمی ءَ وش اتک کت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ تر ءُ تاب ءِ ساھت ءَ وفاقی وزیر ءِ ھال ءُ اھوال عطا اللہ تارڑ ءُ مزن وزیر ءِ ھاسیں کمکار سید طارق فاطمی ھم ھوار بوتگ اَنت۔ دوئیں تر ءُ تاب آنی ساھت ءَ مزن وزیر محمد شہباز شریف تاجک صدر امام علی رحمان ءِ گوما دو نیمگی گند ءُ نند کنت، ایشی ءِ تہ ءَ مزن وزیر پاکستان ءُ تاجکستان ءِ نیام ءَ جتا جتائیں پڑ آنی تہ ءَ کمک ءِ سر ءَ گپ ءُ تران کنت ءُ پاکستان ءُ بھارت ءِ دمگ ءَ پاکستان ءُ جنوبی ایشیا ءِ نیام ءَ استیں کش ءُ چیل ءِ وھد ءَ تاجکستان ءِ نیمگ ءَ پاکستان ءِ مھکمیں کمک ءِ سر ءَ تاجکستان ءِ منت گپت کنت۔ مزن وزیر محمد شہباز شریف اے تر ءُ تاب ءِ ساھت ءَ دوشنبے ءَ مرجان ءِ رکھینگ ءِ ھوالگ ءَ مزن تک ءِ میاں اوستمانی کانفرنس ءَ بھر زوری کنت، ایشی ءِ تہ ءَ مزن وزیر بھر زوروکاں پاکستان ءِ سر ءَ موسمی بدلی ءِ اثر ءُ موسمی بدلی ءَ چہ مرجان ءِ رکھینگ ءِ واستہ پاکستان ءِ بے مٹیں جزم ءِ بابت ءَ سرپد کنت۔
