اسلام آباد۔28مئی (اے پی پی):راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ یوم تکبیر ءِ روچ ءَ راج، سائنسدان ءُ بہادریں سلاہ بندیں اُرد آناں سلام ءُ دروت کنان ءَ یک مھکمیں، وشھال ءُ لچکداریں پاکستان ءِ جوڑ کنگ ءِ یکجائی جزم ءِ پدا زور دات۔ یوم تکبیر ءِ ھوالگ ءَ وتی ھاسیں کلوہ ءِ تہ ءَ رانا تنویر حسین ءَ یوم تکبیر ءِ ھوالگ ءَ یکوئی ءِ سر ءَ زور پر دات ءُ مھکم ءُ وشھالیں پاکستان ءِ جوڑ کنگ ءِ واستہ یکجائی کوشست آنی ضلورت ءِ سر ءَ زور پر دات۔ رانا تنویر حسین ءَ پیسریگیں مزن وزیر محمد نواز شریف ءَ را پاکستان ءَ را دگنیا ءِ ھپتمی ءُ اولی اسلامی ایٹمی طاقت جوڑ کنگ ءِ سر ءَ شگر ءُ منت گپت ءُ سائنسدان آنی ھزمت آناں ھم ساڑات۔ آئی ءَ گوشت کہ پاکستان ءِ دیمروئی، وشھالی ءُ دمپانی ءِ واستہ راجی یکوئی ناگزیر انت ۔ آئی ءَ گیش کرتگ کہ جھان ءِ دباؤ ءِ باوجود پاکستان ءَ وتی راجی شرپ ءِ سر ءَ ھچبر ھچ وڑیں سمجھوتہ نہ کتگ۔ وفاقی وزیر ءَ گوشت کہ پاکستان ءَ ایٹمی طاقت جوڑ بوھگ ءَ چہ وتی دمپانیی طاقت ءِ درشان کتگ ءُ اے روچ مارا یکوئی، دلیری ءُ وت واجئی ءِ سبق دینت۔ رانا تنویر حسین ءَ اے گپ ءِ سر ءَ زور پر دات کہ راجی سلامتی مئے اولی ترجی اِنت۔ آئی ءَ گوشت کہ بیا اِت لگن ءُ وفاداری ءِ جزم ءَ را نوک بہ کن ایں ءُ وتی آیوکیں باھوٹ آنی واستہ وشھالیں ملک ءِ جوڑ کنگ ءِ عزم ءَ بہ کن ایں ۔
