اسلام آباد۔28مئی (اے پی پی):نائب مزن وزیر /درئی کارانی وزیر سینیٹر محمد اسحاق در 29ءَ چہ 30مئی ءَ چین ءِ ھاسیں انتظامی دمگ ہانگ کانگ ءِ تر ءُ تاب ءَ کنت ءُ میاں اوستمانی تنظیم ءِ سلاھ کار جوڑ کنگ ءِ کنونشن ءِ دستخط کنگ ءِ مراگش ءَ بہر زوریت۔ درئی کارانی کارگس ءِ جارکش ءِ نیمگ ءَ جاڑی بوتگیں پریس ریلیز ءِ رد ءَ نائب مزن وزیر / درئی کارانی وزیر محمد اسحاق ڈار میاں اوستمانی گل ءِ ثالثی ءِ کنونشن ءِ سر ءَ دستخط کنت ءُ 30 مئی 2025ءَ مراگش ءَ گوں تران ھم کنت۔ دو نیمگی ءِ ھوار بوھگ ءِ کساس ءَ چہ دیم ءَ اتکگ۔ درئی کارانی کارگس ءَ گوشت کہ پاکستان ءِ ھیال اِنت کہ اقوام متحدہ ءِ منشور ءِ رھبند آنی سر ءَ سک باز عمل کنگ ءُ اقوام متحدہ ءِ سلامتی کونسل ءِ قرارداد آنی سر ءَ مھکمیں رنگ ءَ عمل کنگ ءُ ھمے رنگ ءَ میاں اوستمانی کانود ءِ وفاداریں رنگ ءَ عمل کنگ ءِ وسیلگ ءَ امن ءُ ایمنی ءِ ھمراھی ءَ جھان ءِ وشھالی ءِ دیمروئی ءُ برجم دارگ بوت کنت۔ میانجی داری، سفارتکاری، گپ ءُ تران ءُ میاں اوستمانی کمک اے جامعیں رھبند ءِ ھاسیں بُن ھشت اَنت۔ پاکستان ءَ میاں اوستمانی گل ءِ ثالثی ءِ کنونشن ءَ بنجاہی باسک ءِ بستار ءَ ہوار بوتگ۔ پاکستان ءَ میاں اوستمانی تنظیم ءِ مول ءُ مراد آنی ھم مھکمیں حمایت کتگ ءُ میاں اوستمانی جیڈھ آناں پرامنیں رنگ ءَ گیواری ءِ واستہ پیسفک اوقیانوس ءِ توانائی ءَ را ھم من اِتگ۔
