لاہور۔28مئی (اے پی پی):چیئرمین مزن وزیر ءِ ورنا پروگرام رانا مشہود احمد خان ءَ گوشت کہ 28مئی پاکستان ءِ راجدپتر ءَ راجی دمپانیءُ وت واجہی ءِ چیدگ انت۔ آ چار شمبے ءِ روچ ءَ لاہور کالج فار وومن یونیورسٹی ءَ یوم تکبیر مراگش ءَ گوں گشتانک دیگ ءَ ات۔ آئی ءَ ورنا آنی دراجیں صلاحیت آنی ذکر کت ءُ لاہور کالج فار وومن یونیورسٹی ءِ نودربر ام حبیبہ ءُ پاکستانی اولمپین خواجہ جنید ءِ کارکردگی ءَ را ساڑات۔ رانا مشہود ءَ گوشت کہ گوستگیں وھد ءَ پاک بھارت ءِ نیام ءَ جیڈھ ءِ وھد ءَ پاکستانی میڈیا ءَ ذمہ واری ءُ راستی آنی بنیاد ءَ رپورٹ داتگ وھدیکہ ھندی میڈیا ءَ دروگیں پروپیگنڈا شنگ کتگ۔ چیئرمین ءَ سوشل میڈیا ءِ سر ءَ پاکستان ءِ موقف ءِ حمایت کنوک آنی ستا کرتگ ءُ گوشت کہ ھما مردم کہ بے توار بوتگ اَنت آھاں اے ملک ءَ جاگہ نیست۔ آئی ءَ علامہ اقبال ءُ قائد اعظم ءِ نظریاتی بنیات ءُ آجوئی ءِ تحریک ءِ قربانیانی بابت ءَ گپ جتگ ءُ گشتگ کہ پاکستان سوغات ءِ دروشم ءَ نہ بوتگ بلکیں لکھانی جانانی قربانی ءَ پد پاکستان حاصل بوتگ ۔ رانا مشہود ءَ گوشت کہ بھارتی زوراکی ءِ گر ءُ دار ءِ واستہ پاکستان ءِ ایٹمی پروگرام ناگزیر اِنت۔ نواز شریف ءَ امریکی زور ءُ ارباں ڈالر ءِ پیشکش ءَ رد کنان ءَ پاکستان ءِ دمپانی ناقابل شکست کتگ۔ آئی ءَ ایٹمی پروگرام ءِ تہ ءَ ڈاکٹر عبدالقادیری خان ءُ ذوالفقار علی بھٹو ءَ را کرد ءِ پد ءَ سک باز شگر ءُ یات کت۔ آئی ءَ گوشت کہ پاکستان ءَ نا ایوک ءَ جے ایف 17 ءُ جے 10 ءِ وڑیں منصوبگ سرجم کتگ انت بلکینگ ءَ دگنیا ءَ را اے ھاسیں کلوہ داتگ کہ پاکستان وتی دمپانی ءِ سر ءَ سمجھوتہ نہ کنت۔ رانا مشہود ءَ گوشت کہ نوکیں نسل ءَ گوستگیں وھد ءِ بامرد آنی چہ سیکھ زورگ ءُ راجی دیمروئی ءَ کرد پیلو کنگ لوٹ ایت۔ آئی ءَ گوشت کہ پاکستان روایتی یا ہائبرڈ جنگ ءَ چہ شکست دیگ نہ بیت ءُ راجی یکوئی ملک ءِ مستریں طاقت انت۔ اے مراگش ءَ یونیورسٹی آف ہوم اکنامکس، یونیورسٹی آف ایجوکیشن، کنائیرڈ کالج ءُ سپیریئر یونیورسٹی ءِ نودربر ءُ استاداں ھم بھر زرتگ۔
