اسلام آباد۔28مئی (اے پی پی):ریلوے ءِ وزیر ءِ مملکت بلال اظہر کیانی ءَ گشتگ کہ پاکستانی راج اللہ تعالیٰ ءَ ابید دگہ کس ءِ دیم ءَ سر جھل نہ کنت، مبارکیں یوم تکبیر، 28 مئی 1998 ءِ ایٹمی تراک ءَ چہ 27 سال گوستگ۔ سوشل نیٹ ورکنگ ءِ ویب سائٹ ءِ سر ءَ نبشتگیں پوسٹے ءَ گْوشتگ کہ 10 مئی 2025 ءَ راستی ءِ جنگ ءَ یک رندے پدا اے گپ ثابت کتگ کہ پاکستانی راج اللہ تعالیٰ ءَ ابید دگہ کس ءِ دیم ءَ سر جھل نہ کنت۔ آئی ءَ قائد محمد نواز شریف ءَ را سلام دات ءُ گوشت کہ آئی ءَ را ہچ وڑیں دباؤ ءِ پرواہ نیست ءُ پاکستان ءِ دمپانی ءَ را ناقابل شکست جوڑ کتگ۔ بلال اظہر کیانی ءَ نبشتہ کتگ کہ ایٹمی پروگرام ءِ درستیں بامرد ءُ راج ءَ سلام کہ آہاں وطن ءِ عزت، آجوئی ءُ شرپ ءِ ہاترا ہر قربانی داتگ۔
