اسلام آباد۔28مئی (اے پی پی):سینیٹ ءِ چیئرمین سید یوسف رضا گیلانی تر ءُ تاب ءِ واستہ ترکمانستان ءَ شتگ۔ آئی ءَ را ترکمانستان ءِ مجلس ءِ چیئرمین ءَ تر ءُ تاب ءِ دعوت داتگ۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ سید یوسف رضا گیلانی ءِ تر ءُ تاب ءِ مول ءُ مراد پاکستان ءُ ترکمانستان ءِ نیام ءَ دو نیمگی سیادی ءَ را گیش مھکم کنگ انت۔ وتی تر ءُ تاب ءِ وھد ءَ سید یوسف رضا گیلانی پارلیمانی ڈل آنی مٹ ءُ بدلی ءَ را ترند کنگ ءَ ھوار ھاسیں بنگپانی سر ءَ گپ ءُ تران کنت ۔ دوئیں ملک آنی نیام ءَ تجارتی ءُ اقتصادی سیادی آنی تہ ءَ گیشی ءِ سر ءَ ھم ھیال ءُ لیکہ کنگ بیت۔ چیئرمین سینیٹ ءِ تر ءُ تاب ءِ وھد ءَ ترکمانستان ءِ مزنیں سیاسی سروکی ءَ گوں ھم گند ءُ نند کنت۔
