اسلام آباد۔28مئی (اے پی پی):وفاقی وزیر تجارت جام کمال خان ءَ گوشت کہ یوم تکبیر پاکستان ءِ وت واجہی، ایمنی ءُ راجی شرپ ءِ چیدگ انت۔ یوم تکبیر مارا تپاکی، قربانی ءُ وت مہ وتی ءِ سکین ءَ دنت۔ وفاقی وزیر تجارت جام کمال خان ءَ یوم تکبیر ءِ ھوالگ ءَ وتی ھاسیں کلوہ ءِ تہ ءَ گوشت کہ یوم تکبیر پاکستان ءِ وت واجہی، ایمنی ءُ راجی شرپ ءِ چیدگ اِنت۔ ایٹمی طاقت ءَ پد مئے مول ءُ مراد نوں معاشی آجوئی اِنت۔ وزیر تجارت ءَ گوشت کہ راج ءَ 28مئی 1998 ءَ ناقابل شکست دمپانی ءِ بُن ھشت ایر کتگ، آئی ءَ گوشت کہ ما پیسریگیں مزن وزیر محمد نواز شریف، شھید ذوالفقار علی بھٹو ءُ ڈاکٹر عبدالقدیر خان ءِ ازمت آناں شرپ دیان آں۔ جام کمال خان ءَ گُشت کہ چگائی ءِ کوہانی سرا چست بوؤکیں ’’اللہ اکبر‘‘ ءِ توار مروچی ہم زندگ اِنت۔ آئی ءَ گوشت کہ یوم تکبیر مارا یکوئی، ندر کنگ ءُ وت مہ وتی ءِ سبق ءَ دنت ۔ جام کمال خان ءَ گوشت کہ نوں مارا اقتصادی پڑ ءَ ھم ھمے جزم ءُ دلیری ءِ درشان کنگی انت۔ پاکستان تجارت، ٹیکنالوجی ءُ دیمروئی ءِ سفر ءِ تہا نوکیں باب جوڑ کنت۔ یوم تکبیر ایوک ءَ گوست ءِ یات نہ اِنت بلکیں رژنائیں باندات ءِ وعدہ ءِ روچ اِنت۔
