ویٹی کن۔ 31جولائی (اے پی پی) پوپ فرانسس جہانی راہشون آتیا زور شاغانے کہ جہانی برادری انسان تا اسمگلنگ نا توننگ کن اوار ی اٹ کاریم کے۔ ویٹی کن نا ذرائع ابلاغ نا رداٹ کیتھولک مسیحی تا روحانی پیشوا پوپ فرانسس جہانی راہشون آتیا زورشاغانے کہ انسان تا سمگلنگ نا توننگ کن عزم انا درشانی ئِ کیر۔ کیتھولک مسیحی تا روحانی پیشوا پارے کہ انسانی سمگلنگ دراصل انسانی غلامی نا پوسکن ئُ وڑاسے نا مترادف ئِ۔ انسان تا سمگلنگ نا برخلاف جہانی دے انا مناسبت آن تینا دابیان اٹی پوپ فرانسس مستی پارے کہ انسان تا سمگلر ہرسال ہزار آ بندغ آتے استحصال نا نشانہ جوڑ کیک۔
