اسلام آباد۔11مئی (اے پی پی): وفاقی تہی کارانی وزیر محسن نقوی ءَ گشتگ کہ دگنیا ءِ تہا مات مستریں نعمت انت، مات ءِ گوں مہر یک روچے ءَ گوں بندوک بوت نہ کنت۔ مات مھر، مخلصی ءُ رھم ءِ دومی نام اِنت. ماتانی میاں اوستمانی روچ ءِ درگت ءَ یک شمبے ءِ روچ ءَ وتی بیان ءِ تہ ءَ آئی ءَ گوشت کہ مات ءِ وڑیں مردم اے دگنیا ءِ تہ ءَ مستریں نعمت اِنت۔ مات ءِ گوں مھر یک روچے ءَ بندوک بوت نہ کنت۔ محسن نقوی ءَ گشتگ کہ مات ءِ گوں مہر زھگ ءِ لاپ ءَ چہ داں قیامت ءِ روچ ءَ برجاہ بیت۔ دوست تریں ءُ شیرکن تریں گال مات اِنت، مھر اِنت۔ مات خلوص و شفقت ءِ دگہ نامے ۔ آئی ءَ گوشت کہ مات ءِ وڑیں پاکیں سیادی ءِ بدل نیست، کہ آ راستیں جزبگاں چہ پُر اِنت۔ ماں ءِ لاپ ءَ گوازینتگیں وشتریں ساھت دنیا ءِ گران بھائیں بستر ءِ سر ءَ ھم رس اِت نہ کن اَنت۔ محسن نقوی ءَ گوشت کہ مات ءِ دعا مردم ءَ را چہ تہت ءَ تاں تخت ءَ سر کنت، آ ھر جاگہ ءَ بہ بنت اے اللہ تعالیٰ ءِ فضل ءُ کرم ءَ انت۔ اے درست مات ءِ دعا ءِ سوب ءَ انت۔ وزیر داخلہ ءَ وتی باوست ءِ درشان کت کہ آئی ءِ نمیرانیں مات ءِ دعا مرچی ھم آئی ءِ گون ءَ اَنت۔ محسن نقوی ءَ گوشت کہ توامیں مات آنی مزنی ءَ را سلام کن آں، ملک ءِ واستہ قربانی داتگیں شھید آنی مات آناں ھم سلام کن آں، دل ءِ جہلانکی ءَ چہ دعا کن آں کہ اللہ تعالیٰ ھمک مات ءَ را سلامت بہ کنت۔
