اقوام متحدہ ۔25جولائی (اے پی پی) اقوام متحدہ ئِ سیکرٹری جنرل انٹونیو گوئٹرش ئَ لاہور ئَ بوتگیں ناشرکاری ئِ اُرشئَ سک باز ایر جتگ۔ امریکی شنگءُ تالانی ادارگ ئِ گشگ ئِ ردئَ یک بیانئِ تہا آئی ئَ لوٹ کتگ کہ ملزم آناں زوت دزگیر کنگ ءُگڈی آسرئَ سر کنگ بہ بیت۔ سیکرٹری جنرل ئِ کمک کار جارچین فرحان حق ئَ ھال داتگ کہ انٹونیوگوئٹرش ئَ تراک ئِ تہا بیران بوتگیں مردمانی ھاندان آنی گوما دلپدردی ئِ درشانی کتگ، وھد ے کہ ٹپیگ بوتگیں مردمانی زوت جانءُ سلامتی ئِ ھاترئَ نیکیں واھشتانی درشانی کتگ۔ آئی ئَ گشتگ کہ سیکرٹری جنرل میاں اوستمانی بنی آدم ئِ ھکانی معیارءُ زمہ واری آنی شرپ ءُ لوٹانی ردئَ ناشرکاری ءُ بیم کاری ئِ ھلاپئِ جنگئَ حکومت پاکستان ئِ کوشستانی ھمراھ داری ئَ کنت۔
