اقوام متحدہ۔ 25جولائی (اے پی پی) اقوام متحدہ نا سیکرٹری جنرل انٹونیو گوئٹرش لاہور اٹی مروک آ دہشت گرد جلہو نا ترندانگا لوز آتیٹی مذمت ئِ کرینے۔ امریکی نشریاتی ادارہ نا رداٹ جاری مروک آ اسہ بیان اسے ٹی اوخواست کرے کہ دوبہ دارآتے اوفتا کروک نا سزاتننگے۔ سیکرٹری جنرل نا کمکار ترجمان فرحان حق پارینے کہ انٹونیو گوئٹرش دھماکہ ٹی تپاخت کروک آتا خاہوت تون ہڑزخواہی نا درشانی ئِ کرینے، وخت اس کہ ٹھپی مروک آتا زوت جان جوڑی کن نیک است خواہی تا درشانی ئِ کرینے۔ اوپارے کہ سیکرٹری جنرل جہانی انسانی حق انا معیار و زمواری تا حرمت نا کلی گرج آتا رداٹ دہشت گردی و پرتشدد انتہاپسندی نا برخلاف جنگ اٹی حکومت پاکستان نا کوشست آتا مخ تفی ئِ کیک۔
