کابل۔ 24جولائی (اے پی پی) اوغانستان نا دارالحکومت کابل اٹی دوشنبے نا سہب مروک آ خودکش کاربمب جلہو اٹی کم از کم 35بندغ تپاخت و 42ٹھپی مسنو۔ جہانی ذرائع ابلاغ نا رداٹ دا جلہو اوغان چیف ایگزیکٹو عبداللہ عبداللہ نا نائب محمد محقق نا ہنکین نا خڑک آ مس۔ اوغان سیکورٹی ذرائع تپاخت آتیٹی ودکی نا خدشہ ئِ ظاہر کننگ ئُ انتئے کہ چندی ٹھپی تا حالیت نازرک ئِ۔ تپاخت کروک آتون اوار اوار کم از کم 15موٹر کار و 15دوکان ہم بھس مسنو۔
