واشنگٹن ۔23 جولائی (اے پی پی ) جہانی مالیاتی فنڈ (آئی ایم ایف ) نا سعودی عرب نا وژن 2030 ءنا رد اٹ اصلاحات نا پروگرام و داڑآ پیش رفت نا ستائِ کرسا پارے کہ سعودی مملکت نا بے تیل معیشت اٹی دا سال ودوکی نا اومیت ئِ ۔ العربیہ ٹی وی نا ردات آئی ایم ایف سعودی معیشت نا بارواٹی تینا جاچ رپورٹ اٹی پارےنے کہ اصلاحات آتا سرسہبی کن دافتیا منا سب وڑاٹ عمل کننگ نا گرج ئِ ۔ دا سال سعودی عرب نا بے تیل معیشت نا شرح نمو 1.7 درسد اسکان سلنگ نا گمان ئِ وخت اس کہ کہ جم اٹنگا قومی پیداوار (جی ڈی پی ) نا شرح نمو صفر آن خڑک سلنگ نا گمانءانتئے کہ تیل اتون تفوک جی ڈی پی ٹی پین کمتی مریک ۔دا نا بھلا سوب دا دے کہ تیل پیداوار و برآمد کروک آ ملک آتا تنظیم اوپیک و اوڑآن پیشن تیل ودی کروک آ ملک آتا نیام اٹ سمجھوتہ نا شڑط آسعودی عرب عملدرآمد کننگ نا پابند ئِ و جہانی مارکیٹ اٹی تیل نا نرخ آتیٹی کمتی نا سوب آن اوناکٹیا ٹی ہم کمتی واقع مریک و دا ٹی جی ڈی پی نا کچ ہم کم سلک ۔ آئی ایم ایف تینا بیان اسے ٹی مستی پارےنے کہ سعودی کمامدارآک تینا اصلاحات نا ایجنڈے غا عملدرآمد کننگ کن نمان پیش رفت کرینو۔ مالیاتی سوگوی کن اوفتا کوشست آک اک بار آور ثا بت مننگ ئُ۔
