امریکی زرکار و پوریاگر آک پاکستان اٹی زرکاری نا وارخواہی تیان فائدہ ہرفر، سی پیک پاکستان اٹی شونداری نا پوسکن ئُ کسر ملانے
اسلام آباد۔ 20 جولائی (اے پی پی) امریکہ ٹی پاکستان نا سفیر اعزاز چوہدری پارینے کہ پاکستان اٹی زرکاری نا بے شمار وارخواہی ارے ہرافتیان امریکی زرکار و پوریاگر آک فائدہ ہرفنگ کیرہ۔ اوداہیت ئِ پاک امریکن بزنس ایسوسی ایشن نا ڈل اتون اوڑدہی ٹی پارے۔ پاکستانی سفیر ڈل ئِ پاکستان اٹی زرکاری کن بے شمار وارخواہی تا سرجم احوال آتیان معلومدار کرے و پارے کہ امریکی پوریاگر و زرکارآتے پاکستان اٹی زرکاری کن حکومت نا کنڈآن تروک آ آسراتی و ترغیب آتیان پبی بایدے فائدہ ہرفوئی مرے۔ اعزاز چوہدری پارے کہ حکومت و سیکورٹی فورس آتا کنڈآن گام گیج آتیٹی ملک اٹی امن اٹی کمک رسینگانے و ملک اٹی کاروباری سرجزآک عروج آٹی ئُ۔ اوپاک چین اقتصادی راہداری نا بابت امریکی ڈل ئِ معلومدار کرے و پارے کہ راہداری ڈٹ پاکستان اٹی شونداری نا پوسکن ئُ کسر ملانے۔ اعزاز چوہدری پارے کہ پاکستان و امریکہ نا نیام اٹ چندی بشخ آتیٹی کمکاری نا سوگوئُ رشتہ اسے۔ پاکستان و امریکہ اواری اٹ کاریم کریر ہراڑآن ہڑتوم آ ملک آک فائدہ ہرفیر۔
