بیجنگ ۔ 20جولائی (اے پی پی) چینی صدر شی جن پنگ پارینے کہ اونا ملک دے ٹکی نیامی ٹی امن کن سخت کوشست کیک۔ اسہ چینی عہدیدار اسے نا پاننگ ئِ کہ داسال انا ایسر اٹی فلسطینی و اسرائیل نا نیام اٹ اسہ امن سمپوزیم اسے نا ہم میزبانی ئِ کیک۔ العربیہ ٹی وی نا رداٹ صدر شی فلسطینی صدر محمود عباس تون بیجنگ اٹی اوڑدہی ٹی چین نا کنڈآن دے ٹکی نیامی ٹی دیرینہ تنازع نااِراریاستی ایسری و 1967ءنا سیم تا تہہ ٹی اسہ آجو و وت واجہ فلسطینی ریاست اسے نا اڈتننگ نا مخ تفی نا درشانی ئِ کرینے ہرانا دارالحکومت بیت المقدس شار مریک۔ چین نا نائب وزیر خارجہ ژانگ منگ صحافی تے پارینے کہ صدر شی بند کمرہ نا دااوڑدہی ٹی فلسطینی صدر تون ہیت وگپ کرسا پارے کہ چین سہ کڑدہ ہی ہیت وگپ کن اسہ میکانزم اس قائم کیک و تنازع نا ایسری ٹی کمک تننگ کن داسال انا ایسر اٹی اسہ امن سمپوزیم اسے نا انعقاد ئِ کیک۔ اوفلسطینی الس ئِ چین نا حقی سچا دوست، شریدار و ایلم گوندانے و پارینے کہ اونا ملک چین، فلسطین ہڑتوم آ کنڈآتا تعلقداری تے مون آ دیک و دے ٹکی امن عمل ئِ مون آ دننگ کن سخت کوشست کیک۔ صدر محمود عباس صدر شی تون اوڑدہی آن پد دا اومیت نا درشانی ئِ کرینے کہ چین دے ٹکی نیامی امن عمل اٹی زیات نمان کڑد ادا کیک۔
