راولپنڈی۔20فروری (اے پی پی): پاک فوج ءُ جمہوریہ ترکیہ ءِ سلاہ بندیں اُرد ءِ نیام ءَ ناشرکاری ءِ ھلاپ ءَ جنگ ءِ پڑ ءَ دو ھپتگ ءِ دراجیں پاک ءُ ترکی ءِ یکجائی مشق “اتاترک-XIII ” ءِ گڈی مراگش پاکستان ءِ شھر چرات ءَ برجم دارگ بوت۔۔ آئی ایس پی آر ءِ رد ءَ اے مشق 10 فروری 2025 ءَ بندات بوتگ کہ ایشی ءِ تہ ءَ پاک فوج ءِ ھاسیں اُرد ءِ 2 جنگی ٹیم ءُ جمہوریہ ترکی ءِ ھاسیں اُرد ءِ 36 افسر ءُ سپاھیگ بھر زوری کنگ ءَ اَنت۔ بنداتی مراگش ءَ ھاسیں مہمان ءِ بستار ءَ 11 کور ءِ کمانڈر ءَ بھر زوری کت وھدیکہ جمہوریہ ترکی ءِ نیمگ ءَ چہ بریگیڈیئر جنرل احمد اسک ءَ ھم مراگش ءِ چار ءُ تپاس کت مشق ءِ ساھت ءَ دوئیں ملک آنی فوجی کارندہ آناں پیشہ وارانہ لیکہ ءِ مستریں معیار ءِ درشانی کت۔ اے یکجائی مشق ءِ مول ءُ مراد انسداد ناشرکاری ءِ تہ ءَ عملی تجربگ آنی بدلی کنگ بوتگ، فوجی توانائی آناں گیش گیش کنگ بوتگ، ءُ پاکستان ءُ ترکی ءِ نیام ءَ راجدپتری فوجی سیادی آناں گیش مھکم کنگ بوتگ۔ حکمت عملی ءِ سرا کار کنت۔
