اسلام آباد۔ 20 فروری (اے پی پی) اینٹی نارکوٹکس فورس (اے این ایف) مچ آملک اٹی منشیات اسمگلنگ نا برخلاف برجاکریک ڈاؤن اٹی 9 کارروائی تیٹی پین 6 دوبہ دار آتے دزگیرکرسا 8کروڑ آن زیات مالیت نا 493.47کلوگرام منشیات دوئی کرے ۔ ترجمان اے این ایف نا رداٹ کراچی ٹی کارگوآفس آن آسٹریلیا غا مون تروک آ پارسل اٹی ساڑی 10.6 کلوگرام آئس دوئی کننگا۔ فیصل آباد اٹی کوریئر آفس نا کمک اٹ فرانس آ مون تروک آ پارسل آن کشن کورز و ٹوپی تیٹی جزب مروک 1.210کلوہیرون ، لاہور اٹی کوریئر آفس نا کمک اٹ ہانگ کانگ آ مون تروک آ پارسل آن لیڈیز پچ آتیٹی اودیم کروک 1.660کلوگرام آئس و بلوچستان اٹی پشین نا غیر آباد علاقہ ٹی اِرا جتا کارروائی تیٹی 455 کلوگرام چرس دوئی کننگا۔ ہندا وڑ شیر شاہ ٹول پلازہ ملتان نا خڑک کار اٹی اودیم کروک 20 کلوگرام ہیرون دوئی کرسا 3 دوبہ دار آتے دزگیرکرے۔ ترجمان نا رداٹ اسلام آباد اٹی 2 دوبہ دار آتا کوزہ غان اسہ کلوگرام آئس و 2 کلوگرام ہیرون وخت اس کہ شیرشاہ ٹول پلازہ ملتان نا خڑک ایلو کارروائی تیٹی کار انا اودیم خانہ غاتیان 2کلوگرام چرس دوئی کرسا دوبہ دار آتے دزگیرکننگا۔ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
