اسلام آباد۔ 20 فروری (اے پی پی) روچہ مبارک 1446ھ نا نوک ءِ ہُننگ کن مرکزی رویت ہلال کمیٹی نا دیوان جمعہ نادے 28 فروری آ پشاور اٹی بٹنگانے ، دیوان نا کماشی ءِ مرکزی رویت ہلا ل کمیٹی نا چیئرمین مولانا عبدالخبیر آزاد کیک۔ وزارت مذہبی امور نا کنڈآن جاری اعلامیہ نا رداٹ مرکزی رویت ہلال کمیٹی نا دیوان جمعہ نادے 28 فروری نا شام محکمہ اوقاف نا پشاور اٹی واقع بلڈنگ اٹی مریک وخت اس کہ مچ آملک اٹی زونل و ضلعی ہلال کمیٹی تا دیوان تینا تینا تعلقدار ہند آتیا مریک۔ اسلام آبادنا زونل رویت ہلال کمیٹی نا دیوان وزارت مذہبی امور اٹی مریک۔ نوک انا رویت نا بابت پڑو مچ آملک آن ملوک آ شاہدی تے مون آ تخسا مرکزی رویت ہلال کمیٹی نا چیئرمین مولانا محمد عبدالخبیر آزاد کیک۔
