اسلام آباد۔20فروری (اے پی پی): بنجاھی تہی کار ءُ انسداد ناشرکاری ءِ وزیر محسن نقوی ءَ پاکستان ءَ گتر ءِ سفیر مبارک علی عئے الخطیر ءَ گوں گند ءُ نند کت ایشی ءِ تہ ءَ وت مہ وتی مفاد ءِ جیڈھ، دو نیمگی سیادی ءُ جتا جتائیں پڑ آنی تہ ءَ کمک ءَ را گیش کنگ ءِ جیڈھ آنی سر ءَ ھیال ءُ لیکہ ءِ درشان کت۔ گند ءُ نند ءِ تہ ءَ ایشانی تہ ءَ گتر ءَ بندیں بازیں پاکستانی شہری آناں یلہ کنگ ءُ ناشرکاری ءِ ھلاپ ءَ وت مہ وتی کمک ءَ را گیش کنگ ءِ سر ءَ تپاک کنگ بوتگ۔ گتر ءِ تر ءُ تاب ءَ تہی کارانی وزیر محسن نقوی ءَ را گتر ءِ تر ءُ تاب ءِ دعوت دیگ بوت۔ تہی کارانی وزیر محسن نقوی ءَ گوشت کہ پاکستان ءِ گوما گتر ءِ سک باز نزیکیں سیادی است انت، آ زوت گتر ءِ تر ءُ تاب ءَ کنت ءُ وتی گتر ءِ ھمکار ءَ گوں گند ءُ نند کنت۔ اپریل ءَ اسلام آباد ءَ گتر ءِ انسداد منشیات ءِ محکمہ ءِ سروک ءَ را اے کانفرنس ءَ بہر زورگ ءِ لوٹ کنگ بوتگ ۔ تہی کارانی وزیر محسن نقوی ءَ اے گپ ءِ سر ءَ زور پر دات کہ پاکستان ناشرکاری ءِ ھلاپ ءَ جنگ ءَ دوستیں ملک آنی گوما کمک کنگ لوٹ ایت۔ گتر ی نمائندہ ءَ گوشت کہ پاکستان یک براتی اسلامی ملکے ءُ سیادی ءَ را سک باز ارزشت دنت ۔
