رباط ۔20فروری (اے پی پی): مراکش ءَ مواصلات ءِ بنجاھی وزیر عبدالعلیم خان ءَ اقوام متحدہ ءِ سیکرٹری جنرل ءِ نمائندہ جان ٹوڈٹ ءُ اقوام متحدہ ءِ یورپی کمیشن ءِ ایگزیکٹو سیکرٹری ٹٹیانا مولکین ءَ گوں مراکش ءَ گند ءُ نند کت، اودا آہاں پاکستان ءَ مواصلات ءِ بنیاتی کوکا ءِ درآمد ءُ روڈ سیفٹی ءِ میاں اوستمانی کوالٹی ءِ برجا کنگ ءِ بابت ءَ سرپدی دیگ بوت۔ ادا جاڑی بوتگیں پریس ریلیز ءِ رد ءَ بنجاھی وزیر عبدالعلم خان ءُ اقوام متحدہ ءِ سیکرٹری جنرل ءِ نمائندگ جان ٹوڈٹ ءَ پاکستان ءُ اے دگہ ملک آنی سڑک آنی بنیاتی ڈھانچگ ءِ بابت ءَ گپ ءُ تران کتگ۔ بنجاھی وزیر ءَ گوشت کہ پاکستان ءِ رابطہ ءِ وسیلگ ءَ را میاں اوستمانی معیار ءِ رد ءَ جوڑ کنگ بوھگ ءَ انت ءُ موٹرویز آنی سر ءَ ای ٹکٹنگ ءَ را جوانی ءَ گوں کار کنگ بوھگ ءَ انت۔ آئی ءَ گوشت کہ موبائل ایپس، ٹریول ایڈوائزری، سڑک ءِ جاور ءُ موسم ءِ رپورٹ ءِ وڑیں ھال ءُ اھوال آنی پجاری ءَ را گیش ءُ گیوار کنگ بوھگ ءَ اِنت۔ اقوام متحدہ ءِ سیکرٹری جنرل ءِ نمائندہ جان ٹوڈٹ ءَ کہ شہری آنی رکھینگ ءِ ھاترا راجی شاہراہ آنی سر ءَ ”محور ءِ بار“ ءِ سر ءَ بندش ءِ سر ءَ زور دیگ ءَ اِنت آئی ءَ شاہراہ آناں ایمن تر کنگ ءُ میاں اوستمانی روڈ سیفٹی ءِ رہبندانی سر ءَ عمل کنگ ءِ ضلورت ءِ سر ءَ زور پر دات ءُ اے درگت ءَ پاکستان ءِ کوشست آناں توسیپ کت۔ آئی ءَ گوشت کہ اقوام متحدہ ءِ منشور ءِ رد ءَ درستیں ملک آناں روڈ سیفٹی ءِ رھبند آنی سر ءَ عمل کنگ المی انت۔ آئی ءَ گوشت کہ پاکستان ءَ شاہراہ آنی سر ءَ حادثہ ءُ بیرانی آنی تہ ءَ کمی دل یکیمی ءِ گپ انت۔ بنجاھی وزیر عبدالعلم خان ءُ جان ٹوڈٹ ءَ ھم استیں جھان ءِ جاور ھال آنی سر ءَ ھیال ءُ لیکہ درشان کت۔
