کراچی ۔19فروری (اے پی پی):صدر نیشنل اسٹیڈیم ءَ چیمپئنز ٹرافی ءِ بنگیج ءِ مراگش ءَ صدر آصف علی زرداری ءَ شریک بوتگ ءُ راجی اسمبلی ءِ باسک آصفہ بھٹو زرداری ءَ ھم صدر ءِ مملکت ءِ ھمراھی ءَ شریک بوتگ۔ صدر ءِ مملکت ءِ پریس ونگ ءِ رد ءَ نیشنل اسٹیڈیم ءَ سر بوھگ ءَ پد وفاقی وزیر داخلہ ءُ چیئرمین پی سی بی محسن نقوی ءَ صدر ءِ مملکت ءَ را وش آتک کت ءُ پیسریگیں کپتان سرفراز احمد ءِ ھمراھی ءَ چیمپئنز ٹرافی میدان ءَ آورتگ۔ صدر مملکت ءَ پاکستان ءُ نیوزی لینڈ ٹیم ءِ کپتان آنی گوما گند ءۓُ نند کت۔ ایشی ءَ ابید صدر مملکت ءُ زالبول اول ءَ پاکستان ءُ نیوزی لینڈ ءِ نیام ءَ لیب ءُ گوازی ھم چار اِت۔
