مراکش /اسلام آباد۔19فروری (اے پی پی): مراکش ءَ برجم داشتگیں گلوبل منسٹریل کانفرنس ءِ ساھت ءَ وفاقی وزیر عبدالعلیم خان ءَ جتا جتائیں ملک آنی وزیر آنی گوما گند ءُ نند کتگ۔ چار شمبے ءِ روچ ءَ بورڈ آف انویسٹمنٹ ءِ نیمگ ءَ چہ جاڑی بوتگیں بیان ءِ رد ءَ وفاقی وزیر مواصلات، نجکاری ءُ سرمایہ کاری عبدالعلیم خان ءَ قطر ءِ ٹرانسپورٹ ءِ وزیر شیخ محمد بن عبداللہ التھانی ءَ گوں تران کنان ءَ گوشت کہ پاکستان ءُ قطر تیل ءُ گیس ءَ ھوار جتا جتائیں شوبگ آنی تہ ءَ وت مہ وتی کمک ءَ گوں بندوک اَنت۔ عبدالعلیم خان ءَ گوشت کہ قطر ءَ را منفرد اقتصادی ءُ سیاسی استحکام ءُ خطہ ءِ تہ ءَ برجمیں جاہ ءُ بستار ءِ ھست انت۔ وفاقی وزیر عبدالعلیم خان ءَ قطر ءَ را پاکستان ءِ جتا جتائیں شوبگ آنی تہ ءَ سرمایہ کاری ءِ پیشکش ھم کتگ۔ اے موہ ءِ سر ءَ قطری ٹرانسپورٹ ءِ وزیر شیخ محمد بن عبداللہ التھانی ءَ پاکستان ءِ ھوالگ ءَ جوانیں واھشت ءِ درشان کت ءُ گوشت کہ قطری حکومت پاکستان ءَ سرمایہ کاری ءِ واستہ ھمک رنگ ءِ کمک ءَ را دل یکیمی کنت۔ عبدالعلیم خان ءَ گوشت کہ قطر کاروبار ءَ چہ کاروبار ءُ حکومت ءَ چہ حکومتی چست ءُ ایر آناں دیمروئی دات کنت۔ کانفرنس ءِ ساھت ءَ ورلڈ بینک ءِ گلوبل ہیڈ آف روڈ سیفٹی سعاد داہدا ءَ وفاقی وزیر کمیونیکیشن عبدالعلیم خان ءَ گوں ھم گند ءُ نند کتگ وھدیکہ وفاقی وزیر عبدالعلیم خان ءَ گوں ورلڈ بینک ءِ گلوبل ڈائریکٹر برائے ٹرانسپورٹ نکولس پلیٹر ءَ ھم گند ءُ نند کتگ۔ اے موہ ءِ سر ءَ وفاقی وزیر مواصلات ءَ گوشت کہ ورلڈ بینک ءِ نیمگ ءَ پاکستان ءَ را مالی کمک وش اتک کنگ بیت، مئے معیشت گہتر بوھگ ءَ انت۔ آئی ءَ گوشت کہ سرکاری ءُ جندی شریکداری ءَ چہ کمیونیکیشن ءِ شوبگ ءَ مزنیں گہتری آرگ بوھگ ءَ انت۔ عبدالعلیم خان ءَ گوشت کہ پاکستان ءَ موٹرویز ءُ شاہراہ آنی ایمن جوڑ کنگ ءِ واستہ نوکیں زمہ واری ایر کنگ بوتگ انت ایشی ءِ تہ ءَ موٹروے پولیس ءِ کارکردگی کجام ھم دیمروئی کتگیں ملک آنی کارکردگی ءَ چہ کم نہ انت۔ وفاقی وزیر برائے مواصلات ءَ مراکش ءَ جاری گلوبل منسٹریل کانفرنس ءَ پاکستان ءِ موقف ءِ سر ءَ زور پر دات۔ وفاقی وزیر عبدالعلیم خان ءِ گوما گند ءُ نند ءَ سعاد داہدہ ءُ نکولس پلیٹر ءَ ہم ورلڈ بینک ءَ را کمک ءِ دل یکیمی داتگ۔
