اسلام آباد۔19فروری (اے پی پی): مزن وزیر شاہباز شریف ءَ گشتگ کہ صنعت، زراعت، روزگار ءِ نسل ءُ برآمدات ءِ تہا گیشی سرکار ءِ اولی تر ءُ تاب ءِ ھاتر ءَ ملک ءَ سبزیں ڈیٹا سینٹر جوڑ کنگ بوھگ ءَ انت، ملک ءَ ٹیلی کمیونیکیشن ءِ سروسز ءَ را گیش کنگ ءَ انت۔ چار شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ اقتصادی مشاورتی کونسل ءِ دیوان برجم دارگ بوتگ۔ مزن وزیر ءَ دیوان ءَ بھر زوری ءِ پد ءَ کونسل ءِ باسک آنی شگر ءُ منت گپت ءُ آوانی سوج آنی وش اتک کت۔ اے موہ ءِ سر ءَ تران کنان ءَ مزن وزیر محمد شہباز شریف ءَ گوشت کہ اقتصادی برجائی یک مردم ءِ کوشست آنی سبب ءَ ممکن نہ بوتگ بلکیں سرجمیں ٹیم ءِ کوشست آنی سبب ءَ آ برجمیں اقتصادی دیمروئی ءِ نیمگ ءَ گیش محنتی کار کنگ ءِ جزم انت ءُ خطہ ءَ تجارت ءِ دیمروئی ءِ واستہ استیں توانائی ءَ چہ سرجمی ءَ پائدگ چست کنت۔ آئی ءَ گوشت کہ بنجاھی صنعت ءَ را توانمند کنگ بیت تانکہ مئے برآمدات ءَ را میاں اوستمانی مارکیٹ ءَ مقابلہ کنگ ءِ ھاترا توانمند کنگ بہ بیت، صنعت ءِ دیمروئی، کشت ءُ کشاری، آئی ٹی، روزگار ءِ پیداک کنگ ءُ برآمدات ءِ تہ ءَ گیشی حکومت ءِ اولی ترجی آنی تہ ءَ ھوار انت۔ مزن وزیر ءَ گوشت کہ ملک ءَ گرین ڈیٹا سنٹر جوڑ کنگ ءِ کوشست کنگ ءَ اِنت، ملک ءَ ٹیلی کمیونیکیشن سروسز ءَ را گہتر کنگ ءُ دور ءِ دمگ آناں انٹرنیٹ پجاری ءَ چہ آئی ٹی ایکسپورٹ ءُ فری لانسرز ءِ کساس ءَ را گیش کنگ ءِ کوشست کنگ بوھگ ءَ اِنت۔ آئی ءَ گوشت کہ ڈیجیٹل کرنسی ءِ ریگولیٹ کنگ ءِ ھوالگ ءَ ھم شور ءُ سلاھ کنگ بوھگ ءَ اِنت، ءُ مرچیگیں تعمیری گپ ءُ تران ءَ را کار ءِ منصوبگ ءِ تہ ءَ بدل کنگ بہ بیت۔ شریکیں مردماں اے گپ من اِت کہ پاکستان ءِ معیشت مھکم اِنت ءُ دیمروئی ءِ نیمگ ءَ روگ ءَ اِنت، نرخانی مھکم پیداوار ءَ گیش کنگ ءَ اِنت، حکومت ءِ اقتصادی ٹیم ءَ درستیں اندازگ ءُ تجزیہ رد ثابت کتگ اَنت ءُ اے اولی رند اِنت کہ جھان ءِ اقتصادی ادارگ، کاروباری برادری ءُ سرمایہ کاراں یکوئی ءَ حکومت ءِ منصوبگ ءِ منوگری کتگ۔ شریکیں مردماں گوشت کہ ملک ءِ راجدپتر ءَ اولی رند ءَ حکومت ادارگی اصلاحات آنی سر ءَ سنجیدگی ءَ گوں عمل درآمد ءَ را دل یکیمی کنگ ءَ انت آ کاروباری برات ءُ توامیں اسٹیک ہولڈر آنی گوما باقاعدہ شور ءُ سلاھ ءِ واستہ ملک ءِ مزن وزیر ءَ را شگر ءُ منت گپت۔ آئی ءَ گیش گوشت کہ ملک ءِ درستیں مزنیں شوبگ آنی تہ ءَ دیمروئی ٹیکس ءِ نظام ءَ را گہتر کنگ ءِ واستہ حکومت ءِ گامگیج آنی سبب ءَ ممکن بوتگ، راجدپتر ءِ تہ ءَ اولی رند ءَ کاروباری برادری ءَ را حکومت ءِ اقتصادی ٹیم ءَ را آسانی ءَ رسائی رستگ ءُ باقاعدہ مشورہ آنی تہ ءَ گیشی بوھگ ءَ اِنت۔ اے گپ ءِ مستریں ثبوت قاچاق ءِ گر ءُ دار ءَ برآمدات ءَ گیشی بوتگ کہ اے یک وشیں دیمروئی یے ۔ گند ءُ نند ءَ شریکیں مردماں مزن وزیر ءَ را جتاجتائیں شوبگ آنی ھوالگ ءَ سوج ءُ پنت ءُ شون پیش کت۔ مزن وزیر ءَ سیادی داروکیں واکدار آناں ہدایت کت کہ آ کونسل ءِ باسک آنی گوما شور ءُ سلاھ ءَ یک سرجمیں ایکشن پلان ءِ جوڑ بہ کن اَنت دیوان ءَ جہانگیر خان ترین، ثاقب شیرازی، شہزاد سلیم، مصدق ذوالقرنین، ڈاکٹر اعجاز نبی، آصف پیر، زید بشیر اور سلمان احمد کے ساتھ ساتھ وفاقی وزرا احسن اقبال، رانا تنویر حسین ،جام کمال خان، احد خان چیمہ، محمد اورنگزیب، وزیرِ مملکت علی پرویز ملک، وزیر اعظم کے کوآرڈینیٹر رانا احسان افضل ءَ ھوار ٹوھیں ٹوھیں کارندہ ساڑی اتنت۔
