لاہور۔19فروری (اے پی پی): پاکستان مسلم لیگ ءِ صدر ءُ پیسریگیں مزن وزیر محمد نواز شریف ءَ گشتگ کہ پاکستان ءِ الس دگہ کس ءَ را تعمیر ءُ دیمروئی ءِ سفر ءِ تہا رکاوٹ ءِ اجازت نہ دنت۔ یک مصنوعی سیاسی بحران ءِ پیداک کنگ ءِ جہد ءَ سوبمند بوھگ ءِ اجازت دیگ بیت۔اگاں 2013 ءَ تعمیر، دیمروئی ءُ راجمانی وشحالی ءِ سفر ہمے رفتار ءَ برجاہ بوتین ات گڑا مرچی مارا ’آئی ایم ایف‘ ءِ زلورت نہ بوتگ ات یا دگہ کس ءَ وتی دست ءِ دراج کنگ ءِ زلورت نہ بوتگ ات۔ اے ھیالانی درشانی آئی ءَ سینیٹ ءَ پاکستان مسلم لیگ (ن) ءِ پارلیمانی پارٹی ءِ سروک ءُ دری کارانی قائمہ کمیٹی ءِ چیئرمین سینیٹر عرفان صدیقی ءَ گوں رائے ونڈ ءَ وتی گس ءَ گند ءُ نند ءِ ساھت ءَ کت۔ مسلم لیگ (ن) ءِ راہشون ءَ گشتگ کہ مہلوک ءَ را ھاسیں رنگ ءَ مئے ورنا باھندیں نسل ءَ را امن ءُ ایمنی ءِ پاکستان ءِ ضلورت انت کہ اودا آھاں وتی توانائی ءِ رد ءَ کرد پیلو کنگ ءِ موہ بہ بنت نوں اللہ تعالیٰ ءِ فضل ءُ کرم ءَ ملک یک رندے پدا وتی پادانی سر ءَ اوشتاتگ۔ نواز شریف ءَ گشتگ کہ پارلیمنٹ ءِ تہا ءُ ڈن ءَ ہما عناصر ءِ نیت پاشک کنگ بہ بنت کہ آ آشوب ءِ شنگ ءُ تالان کنگ ءُ بے رھبندی پیداک کنگ ءِ کوشست ءَ کنگ ءَ انت آ مردمانی تہا سنگینیں گپ ءُ تران کنگ ءُ جیڑہانی سیاسی سما ءُ لیکہ ءِ گوما گیش ءُ گیوار کنگ ءِ صلاحیت نیست انت ۔ ن لیگ ءِ سروک ءَ گوشت کہ ن لیگ ءَ گوں سیادی داروکیں پارلیمنٹ ءِ باسک وتی کرد ءَ جوانیں رنگ ءَ پیلو بہ کن اَنت ءُ الس ءِ گوما مھکمیں سیادی ءَ بہ دار اَنت۔ سینیٹر عرفان صدیقی ءَ ن لیگ ءِ صدر ءَ را سینیٹ ءَ ن لیگ ءِ پارلیمانی پارٹی ءِ کارکردگی ءِ بابت ءَ سرپد کتگ۔
