اسلام آباد۔19فروری (اے پی پی): مزن وزیر ءِ راجی جان سلامتی ءِ کوآرڈینیٹر ڈاکٹر مختار بھرتھ ءَ گوشت کہ جان سلامتی ءِ وزارت کوویڈ 19 ءِ وڑیں وبا ءِ ھلاپ ءَ جنگ ءِ واستہ جامع ءُ ھمگرنچیں گامگیج آنی سر ءَ دلگوشی دیگ ءَ اِنت اے گامگیج آنی تہ ءَ یکے 300 ملین کلدار ءِ ارزشت ءِ یک مزنیں منصوبگ ءِ سر ءَ دلگوشی دیگ ءَ اِنت۔ لس مھلوک ءِ نادراھیانی بابت ءَ ءُ راجمانی جان سلامتی ءِ نظام ءَ را مھکم کنگ ءِ ھاتر ءَ چار شمبے ءِ روچ ءَ ادا ھیلتھ سروسز اکیڈمی (HSA) ءِ نیمگ ءَ برجم داشتگیں اولی سٹیک ہولڈر دیوان ءَ گوں تران کنان ءَ گشتگ کہ ھیلتھ سروسز اکیڈمی ءِ نائب چانسلر ڈاکٹر شہزاد علی خان ءَ گوشت کہ “پنڈمیک آمادگی ءِ نیمگ ءَ ھمگرنچ کنگ بوتگ”۔ یک سکیں ھاسیں گامگیج ءِ کہ پاکستان ءَ جان سلامتی، چاگرد ءُ لائیو سٹاک ءِ شوبگ آناں یکجا کنگ ءِ ھاترا بندات کنگ بوتگ۔ اے دیوان ءَ چہ وبائی نادراھی ءِ ھلاپ ءَ یک موثریں حکمت عملی ءِ جوڑ کنگ ءِ واستہ یک پلیٹ فارم ءِ سر ءَ درستیں سیادی داروکیں سٹیک ہولڈر آناں یکجا کنگ ءِ موہ رس ایت۔ ہیلتھ سروسز اکیڈمی ءِ سروکی ءَ اے منصوبگ پاکستان ءَ یک تربیت یافتہ ءُ ہنرمندیں جان سلامتی ءِ کارکن ءِ جوڑ کنگ ءِ سر ءَ دلگوشی دنت کہ آ آیوکیں وھد ءَ جان سلامتی ءِ ھترہ آنی گیواری ءِ واستہ تیار بہ بیت۔ کارشناس، پالیسی ساز، ءُ ہمگرنچیں ادارہ اے دیوان ءَ بہر زورگ ءَ انت کہ آہانی ارزشت داریں ھیال ءُ لیکہ وزارت جان سلامتی ءِ اے گامگیج ایوک ءَ انسانی جان سلامتی ءَ گوں بندوک نہ انت بلکیں ایشی ءِ تہا جان سلامتی ءِ زانت ہم ہوار انت۔ ایشی ءِ مول ءُ مراد انسانی ءُ جانور ءِ جان سلامتی ءِ نیام ءَ سیادی ءَ سرپد بوھگ ءُ اے وڑ ءَ آیوکیں جان سلامتی ءِ جیڑھاں شرتر گیش ءُ گیوار کنگ اِنت۔ وزارت جان سلامتی ءِ اے یکجاھیں ایجنڈا ءِ تہ ءَ جان سلامتی ءِ نظام ءَ را گیش تابکار جوڑ کنگ ءُ وبا ءِ ھلاپ ءَ جوانیں رنگ ءَ پسو دیگ ءِ توانائی ءَ را گیش کنگ ءِ سر ءَ دلگوشی دیگ بوتگ ایشی ءَ ابید وزارت جان سلامتی ءَ پیشہ ور آنی توانائی آناں گیش کنگ ءِ واستہ تربیت ءِ پروگرام ھم چلائینگ ءَ اَنت۔ اے تربیتی پروگرام آنی مول ءُ مراد جان سلامتی ءِ پیشہ ور آناں نوکیں زانت ءُ زانشت ءِ پھجارینگ اِنت تانکہ آ آیوکیں جان سلامتی ءِ چیلنج آنی دیم ءَ دارگ ءِ واستہ جوانیں رنگ ءَ تیار بہ بنت سرجمی ءَ وزارت جان سلامتی ءِ نیمگ ءَ اے یکجاھیں رھبند نہ ایوک ءَ انوگیں وبا ءِ جاور ھال آنی گیواری ءِ واستہ المی اِنت بلکیں اے آیوکیں جان سلامتی ءِ چیلنج آنی واستہ یک مھکمیں بُن ھشت ءِ ھم پجارینگ بیت۔
