اسلام آباد۔19فروری (اے پی پی): بنجاھی وزیر ءِ مالیات ءُ آمدنی ءِ سینیٹر محمد اورنگزیب ءَ گوشت کہ پاکستان دمگی تجارت ءِ دیمروئی ءِ حمایت کنت پاکستان ءِ بیلٹ اینڈ روڈ ءِ گامگیج ءِ یک ھاسیں بھرے انت۔ فوربس ءَ گوں تران کنان ءَ وزیر ءِ ھزانگ ءَ گوشت کہ گوستگیں 14ماہ آنی تہ ءَ پاکستان ءَ سرجمیں معیشت ءِ تہ ءَ مزنیں پیشرفت کتگ، ایشی ءِ تہ ءَ کلیدی معاشی اشارہ گہتری ءِ درشان کنگ ءَ اَنت ءُ راستیں راہ ءَ دیم ءَ روگ ءَ اَنت۔ سرکاری گامگیج آنی آسر ءَ افراط زر ءِ تہ ءَ کمی اتکگ، پالیسی ءِ شرح ءَ مزنیں کساسے ءَ کمی اتکگ ءُ پاکستان ءِ درملکی زرّ ءِ ذخیرہ گیش بوتگ ءُ کرنسی ءِ تہ ءَ ھچ وڑیں بدلی نہ بوتگ۔ آئی ءَ گوشت کہ ایشی ءِ گوما ڈھانچہ ءِ اصلاحات ءِ سر ءَ عمل کنگ بوھگ ءَ اِنت، سرکاری توانائی ءِ ادارگ آنی جوانیں انتظامی ءُ ریگولیشن، نجکاری، ءُ سرکاری ھرچ ءُ درچ ءِ تہ ءَ کمی ءِ ھوالگ ءَ سرجمیں گامگیج کنگ بوھگ ءَ اِنت۔ وزیر ءِ ھزانگ ءَ گوشت کہ برجائی اقتصادی برجائی ءُ دیمروئی ءِ واستہ ڈھانچہ ءِ اصلاحات المی انت۔ وزیر ءِ ھزانگ ءَ گوشت کہ ملک ءَ کاروبار ءُ سرمایہ کاری ءِ واستہ جوانیں چاگرد پجاری ءِ تہ ءَ پیشرفت بوتگ۔ ملک ءَ مستقیم سرمایہ کاری ءِ تہ ءَ گیشی بوھگ ءَ اِنت۔ حکومت ءَ درملکی سرمایہ کار آناں سرمایہ کاری ءِ وھد ءِ سر ءَ دیم دیگ ءِ واستہ ھم گامگیج چست کتگ ءُ ایشی ءِ آسر ءَ سرمایہ کاری ءِ دیم دیگ ءِ تہ ءَ گیشی ریکارڈ کنگ بوتگ۔ حکومتی گامگیج آنی آسر ءَ دمگی سرمایہ کار آنی دلبڈی ھم گیش بوتگ ءُ آ ملک ءَ سرمایہ کاری کنگ ءَ اَنت۔ سال 2025 سرمایہ کاری ءِ رد ءَ یک ھاسیں سالے ثابت بیت۔ وزیر خزانہ ءَ گوشت کہ آئی ٹی، کان کنی، ءُ کشت ءُ کشاری ءَ ھوار جتا جتائیں شوبگ آنی تہ ءَ سرمایہ کاری ءِ سر ءَ دلگوشی دیگ بوتگ۔ حکومت آئی ٹی ءُ زرعی برآمدات ءَ را گیش کنگ ءِ واستہ جامع گامگیج کنگ ءَ انت تانکہ برآمدات ءِ سروکی ءَ دیمروئی ءِ ٹارگٹ ءَ را سرجم کنگ بہ بیت۔ وزیر ءِ ھزانگ ءَ گوشت کہ پاکستان آئی ٹی ءِ شوبگ ءَ جوانیں صلاحیت آنی واھندیں ملک اِنت۔ فری لانسرز ءِ کساس ءَ پاکستان دگنیا ءِ سیمی مزنیں ملک انت۔ حکومت فری لانسرز ءَ را درستیں آسراتی آنی پجارینگ ءِ واستہ گامگیج زورگ ءَ اِنت تانکہ آئی ٹی ءِ برآمدات ءَ را مزنیں کساسے ءَ گیشی ءِ ھاترا دل یکیمی کنگ بہ بیت۔ وزیر خزانہ ءَ گوشت کہ تجارت ءِ دیمروئی ءِ تہ ءَ میاں اوستمانی تجارت ءِ راہداری ءِ ھواری ءَ دمگی راہداری ھم کلیدی ارزشت ءِ دار اَنت۔ پاکستان لوٹ ایت کہ تجارت دیما برگ بہ بیت ۔ پاکستان چین ءِ بیلٹ اینڈ روڈ انیشیٹیو ءِ یک ھاسیں بہرے انت۔ مئے گمان اِنت کہ خلیج ءِ کمک ءِ کونسل ءُ میان اُستمانی ایشیا ھم ھاسیں دمگی راہداری اَنت۔ وزیر ءِ ھزانگ ءَ گوشت کہ پاکستان ھما ملک آنی تہ ءَ ھوار اِنت کہ موسمی مٹ ءُ بدلی ءَ چہ گیش آماچ اَنت۔ اے ھاتر ءَ پاکستان موسمیاتی سمارٹ فنانس ءِ نیمگ ءَ سرگرمیں رنگ ءَ کار کنگ ءَ اِنت گوستگیں روچاں ایشیائی دیمروئی بینک ءُ ورلڈ بینک ءَ اے رد ءَ پاکستان ءَ را کمک ءِ وعدہ کتگ۔ پاکستان کلائمیٹ فنانس ءِ چیر دستی ءَ آئی ایم ایف ءِ فنڈز ءَ چہ ھم سیت زورگ لوٹ ایت۔
