ریاض۔19فروری (اے پی پی): سعودی میڈیا گروپ ءِ نیمگ ءَ برجم داشتگیں کانفرنس ءِ بنداتی دیوان ءَ چار شمبے ءِ روچ ءَ بنجاھی وزیر ءِ اھوالکاری، شنگکاری، راجی ورثہ ءُ دود ءُ ربیدگ عطا اللہ ترار ءَ بھر زوری کت۔ اے سئے روچی کانفرنس ریاض ءَ 19 ءَ بگر داں 21 فروری ءَ برجم دارگ بوھگ ءَ اِنت۔ افتتاحی دیوان ءَ دنیا ءِ دراھیں رہشون ءُ رسانکدر ءِ نامداریں مردم ہم بہر زورگ ءَ انت۔ سعودی عرب ءِ توانائی ءِ وزیر شہزادہ عبدالعزیز بن سلمان السعود ہم اے کانفرنس ءِ تہا بہر زورگ ءَ انت۔ افتتاح ءِ مراگش ءِ موہ ءَ بنجاھی وزیر ءِ اھوالکاری عطا اللہ ترار ءَ برطانیہ ءِ پیسریگیں مزن وزیر بورس جانسن ءُ ایندگر ھاسیں مردم آنی گوما ھم گند ءُ نند کتگ۔ زانگ بہ بیت کہ سعودی میڈیا فورم ءَ میڈیا ءِ پیداوار، ڈیجیٹل صحافت، ءُ مواد ءِ جوڑ کنگ ءِ ھاتر ءَ راہ ءُ درانی پٹ ءُ پول کنگ بیت۔ ڈیجیٹل دور ءِ تہا میڈیا، ڈیجیٹل ٹرانسفارمیشن، ءُ مالی پائیداری ءِ ھاتر ءَ نوکیں کاروباری ماڈل ءِ چار ءُ تپاسی کنگ بیت۔ میڈیا فورم ءَ جعلی ھال آنی ھوالگ ءَ حکمت عملی ءُ الس ءِ اعتماد ءِ بحالی ءِ واستہ میڈیا ادارگ آنی کرد ءِ سر ءَ ھم چار ءُ تپاسی کنگ بیت۔ فورم ءِ تہ ءَ مصنوعی ذہانت، صحافت ءِ آیوکیں وھد، میڈیا اکنامکس، ڈیجیٹل سسٹم، ردیں ھال، دلگوش ءِ صنعت، ءُ ڈیجیٹل اسٹریمنگ ءِ وڑیں ھاسیں سرھالانی سر ءَ ھم گپ ءُ تران کنگ بیت۔
